धुलिखेलमा कक्षा ५ सम्म विद्यालयमै उपस्थित भएर पठनपाठन हुने

धुलिखेल नगरपालिकाले पूर्व प्राथमिक देखि कक्षा ५ सम्म विद्यालयमै उपस्थित भएर पठनपाठन गर्ने निर्णय गरेको छ । आज बसेको नगर शिक्षा समितिको बैठकले यस्तो निर्णय गरेको हो ।

भदौ २७ गतेबाट पूर्व प्राथमिक देखि कक्षा ५ सम्म विद्यालयमै उपस्थित भएर पठनपाठन गर्न सबै सामुदायिक विद्यालयलाई निर्देशन जारी गरिएको उपसचिव माधव प्रसाद शर्माले जानकारी दिनुभयो ।

नगर शिक्षा समितिले कक्षा ६ देखि १२ सम्म बैकल्पिक सिकाईका विधि मार्फत भैरहेको पठनपाठनलाई निरन्तरता दिन आग्रह गरेको छ । समितिले सिकाई सहजीकरणको साप्ताहिक र मासिक रूपमा नगरपालिका पेश गर्न भनिएको छ ।

नगरपालिकाले भौतिक रूपमा उपस्थित भएर पठनपाठन गर्न कार्ययोजना नै बनाएको छ । भदौ २० गतेदेखि शिक्षक र कर्मचारीलाई नियमित रूपमा विद्यालयमा उपस्थित हुन निर्देशन दिनुभएको छ ।