काभ्रेको १३ स्थानीय तहमा एमालेबाट विजयी भएका कतिले एमाले त्याग्लान् ? (नाम र वडासहित)

तत्कालीन एमाले दल फुटेपछि उक्त पार्टी र सूर्य चिन्हबाट विजयी भएका जनप्रतिनिधिलाई अहिले निकै चासो पुर्बक हेरिएको छ । यहि भदौ २२ गतेसम्म दल रोज्न पाउने प्रावधान रहेका कारण उनीहरू सर्वाधिक चर्चामा रहेका छन् ।

काभ्रेमा ६ वटा नगरपालिका र ७ वटा गाउँपालिका गरी १३ वटा स्थानीय तह छन् । १३५ वटा वडा रहेका छन् । २०७४ सालमा सम्पन्न स्थानीय तहको निर्वाचनमा एमाले पार्टीका उम्मेदवार काभ्रेका कुन कुन स्थानीय तह र कुन कुन वडामा विजयी भएका थिए । भनेर यहाँ चर्चा गरिदैछ ।

जिल्लाको सबैभन्दा पहिलो नगरपालिका बनेपाको नगरप्रमुखमा एमालेबाट लक्ष्मी नरसिंह बादे र उपप्रमुखमा रेखा दाहाल विजयी हुनुभएको छ । बनेपा नगरपालिकामा १४ वटा वडा रहेका छन् । जस मध्ये ९ वटा वडा एमालेले जितेको थियो ।

वडा नम्बर ३ का वडाअध्यक्ष कृष्ण प्रसाद दाहाल, वडा नम्बर ४ का वडाध्यक्ष श्याम सुन्दर श्रेष्ठ, वडा नम्बर ५ का वडाध्यक्ष बलराम अधिकारी, वडा नम्बर ६ का वडाध्यक्ष सचिता नन्द केसी, वडा ७ का वडाध्यक्ष वर्ण शक्य, वडा नम्बर १० का वडाध्यक्ष चन्द्र बहादुर खड्का, वडा नम्बर ११ का वडाध्यक्ष शिव कुमार थापा, वडा १२ का वडाध्यक्ष राम बहादुर कुँवर र वडा नम्बर १४ का वडाध्यक्ष गौरी राउत नेकपा एमालेबाट विजयी हुनुभएको थियो । जसमध्ये वडा नम्बर ६ का वडाध्यक्ष सचितानन्द केसी नेकपा (एकिकृत समाजवादी) पार्टीमा खुल्नु भएको छ ।

धुलिखेल नगरपालिकामा १२ वटा वडा रहेका छन् । त्यसमा ८ वटा वडा एमालेले जितेको थियो । जसको नगरप्रमुखमा अशोक कुमार ब्याञ्जु श्रेष्ठ र उपप्रमुखमा बिमला शर्मा एमालेबाट निर्वाचित हुनुभएको थियो ।

वडा नम्बर १ का वडाध्यक्ष रमेश प्रसाद घोरसाइने, वडा नम्बर २ का वडाध्यक्ष देवप्रसाद कोईराला, वडा नम्बर ३ का वडाध्यक्ष विनोद पराजुली, वडा नम्बर ८ का वडाध्यक्ष निरञ्जन जंगम, वडा नम्बर ९ का वडाध्यक्ष बसन्त बहादुर रानाभाट, वडा नम्बर १० का वडाध्यक्ष पुष्पराज राउत, वडा नम्बर ११ का वडाध्यक्ष बिष्णु धिताल र वडा नम्बर १२ का वडाध्यक्ष हर्क बहादुर लामा एमालेबाट विजयी हुनुभएको थियो । धुलिखेलमा हालसम्म एक जनापनि जनप्रतिनिधि नेकपा (एकिकृत समाजवादी) पार्टीमा खुलेका छैनन् ।

पनौती नगरपालिकामा १२ वटा वडा रहेका छन् । जसमा ७ वटा वडाध्यक्ष एमालेबाट विजयी बनेका थिए । जसको नगरप्रमुखमा भिम न्यौपाने र उपप्रमुखमा गिता बञ्जारा एमालेबाट निर्वाचित हुनुभएको थियो ।

वडा नम्बर १ का वडाध्यक्ष गुणनाथ सापकोटा, वडा नम्बर २ का वडाध्यक्ष पुरूषोत्तम अधिकारी, वडा नम्बर ३ का वडाध्यक्ष किशोर थापा, वडा नम्बर ४ का वडाध्यक्ष बुद्ध सिंह थापा, वडा नम्बर ५ का वडाध्यक्ष श्रीधर पाध्या कुईकेल र वडा नम्बर १२ का वडाध्यक्ष ईश्वर राज जंगम एमालेबाट विजयी हुनुभएको थियो । पनौती नगरपालिकामा हालसम्म एक जनापनि जनप्रतिनिधि नेकपा (एकिकृत समाजवादी) पार्टीमा खुलेका छैनन् ।

पाँचखाल नगरपालिकामा १३ वटा वडा रहेका छन् । जसको ५ जना वडाध्यक्षहरू एमालेबाट विजयी भएका छन् । वडा नम्बर १ का वडाध्यक्ष अष्ट बहादुर तामाङ, वडा नम्बर ६ का वडाध्यक्ष रामशरण दुलाल, वडा नम्बर ७ का वडाध्यक्ष पुष्कर ढकाल, वडा नम्बर १० का वडाध्यक्ष नारायण प्रसाद सापकोटा र वडा नम्बर १२ का वडाध्यक्ष गोपाल बहादुर दनुवार एमालेबाट विजयी हुनुभएको थियो । जसमध्ये वडा नम्बर ६ का वडाध्यक्ष रामशरण दुलाल नेकपा (एकिकृत समाजवादी) पार्टीमा खुल्ने सम्भावना छ ।

नमोबुद्ध नगरपालिकामा ११ वटा वडा रहेका छन् । ६ जना वडाध्यक्ष नेकपा एमालेबाट विजयी हुनुभएको थियो । जसको नगरप्रमुखमा एमालेबाट टंकप्रसाद शर्मा र उपप्रमुख रामदेवी तामाङ निर्वाचित हुनुभएको थियो ।

वडा नम्बर २ का वडाध्यक्ष सञ्जिव ढकाल, वडा नम्बर ३ का वडाध्यक्ष राम शरण हुमागाईं, वडा नम्बर ४ का वडाध्यक्ष उद्धव प्रसाद काफ्ले, वडा नम्बर ५ का वडाध्यक्ष बुद्ध सिंह तामाङ, वडा नम्बर ८ का वडाध्यक्ष शेर बहादुर तामाङ र वडा नम्बर ११ का वडाध्यक्ष कृष्ण बहादुर तामाङ एमालेबाट निर्वाचित हुनुभएको थियो । नमोबुद्ध नगरपालिकामा उपप्रमुख रामदेवी तामाङ बाहेक अन्य जनप्रतिनिधि नेकपा (एकिकृत समाजवादी) पार्टीमा खुलेका छैनन् ।

मण्डनदेउपुर नगरपालिकामा १२ वटा वडा रहेका छन् । त्यसमा ८ जना वडाध्यक्ष एमालेबाट विजयी बनेका थिए । जसको नगरप्रमुखमा एमालेबाट टोक बहादुर वाईबा र उपप्रमुख निर्मला शाहि निर्वाचित हुनुभएको थियो ।

वडा नम्बर १ का वडाध्यक्ष लक्ष्मण प्रसाद बस्ताकोटी, वडा नम्बर ३ का वडाध्यक्ष दिल बहादुर तामाङ, वडा नम्बर ४ का वडाध्यक्ष भुवन प्रसाद बजगाईं, वडा नम्बर ६ का वडाध्यक्ष डिल्ली प्रसाद आचार्य, वडा नम्बर ७ का वडाध्यक्ष नारायण प्रसाद लम्साल, वडा नम्बर ८ का वडाध्यक्ष झलक प्रसाद पौडेल, वडा नम्बर ९ का वडाध्यक्ष जित बहादुर तामाङ र वडा नम्बर ११ का वडाध्यक्ष माधव प्रसाद न्यौपाने एमालेबाट विजयी हुनुभएको थियो ।

मण्डनदेउपुर नगरपालिकामा नगरप्रमुख वाईबा सहित वडाध्यक्षहरू वडा नम्बर १ का वडाध्यक्ष लक्ष्मण प्रसाद बस्ताकोटी, वडा नम्बर ३ का वडाध्यक्ष दिल बहादुर तामाङ, वडा नम्बर ४ का वडाध्यक्ष भुवन प्रसाद बजगाईं, वडा नम्बर ६ का वडाध्यक्ष डिल्ली प्रसाद आचार्य, वडा नम्बर ७ का वडाध्यक्ष नारायण प्रसाद लम्साल र वडा नम्बर ११ का माधव प्रसाद न्यौपाने माधव नेपाल नेतृत्वको नेकपा (एकिकृत समाजवादी) पार्टीमा सुरूदेखि नै खुलेका छन् ।

भुम्लु गाउँपालिकामा १० वटा वडा रहेका छन् । जसमा ५ वटा वडाका वडाध्यक्ष एमालेबाट विजयी बनेका थिए । त्यहाँको पालिका अध्यक्ष गुमानध्वज कुँवर र उपाध्यक्ष कल्पना श्रेष्ठ एमालेबाटै विजयी हुनुभएको हो ।

एमालेबाट वडा नम्बर २ का वडाध्यक्ष कृष्ण कुमार कार्की, वडा नम्बर ४ का वडाध्यक्ष लोक बहादुर कुँवर, वडा नम्बर ६ का वडाध्यक्ष भरत बहादुर शिवभक्ती, वडा नम्बर ७ का वडाध्यक्ष रमेशराज खरेल र वडा नम्बर ८ का वडाध्यक्ष मोतिलाल तामाङ एमालेबाट विजयी हुनुभएको थियो । भुम्लु गाउँपालिकामा उपाध्यक्ष कल्पना श्रेष्ठ सहित वडा नम्बर २ का वडाध्यक्ष कृष्ण कुमार कार्की र वडा नम्बर ८ का वडाध्यक्ष मोतिलाल तामाङ माधव नेपाल नेतृत्वको नेकपा (एकिकृत समाजवादी) पार्टीमा सुरूदेखि नै खुलेका छन् ।

चौरीदेराली गाउँपालिकामा ९ वटा वडा रहेका छन् । एउटा मात्रै वडा एमालेले जितेको हो । वडा नम्बर ६ का वडाध्यक्ष रमेश प्रसाद चौलागाईं र अन्य ४ जना वडा सदस्य एमालेबाटै निर्वाचित हुनुभएको थियो । उहाँ एमालेमै हुनुहुन्छ ।

तेमाल गाउँपालिकामा पनि ९ वटा वडा रहेका छन् । जसमा दुई वटा वडामात्रै एमालेले जितेको हो । वडा नम्बर १ का वडाध्यक्ष मान बहादुर श्रेष्ठ र वडा नम्बर २ का वडाध्यक्ष तेमाल सिं तामाङ एमालेबाट निर्वाचित हुनुभएको थियो । उहाँहरू नयाँ दलमा नजाने निश्चित छ ।

महाभारत गाउँपालिकामा ८ वटा वडा रहेका छन् । जसमा वडा नम्बर ८ का वडाध्यक्ष टंक प्रसाद आले सहित अन्य चार सदस्यले पनि एमालेबाटै जितेका थिए । उहाँहरू पनि एमालेमै रहने अनुमान गरिएको छ ।

खानीखोला गाउँपालिकामा ७ वटा वडा रहेका छन् । जसमा ४ वटा वडाध्यक्ष एमालेबाट विजयी बनेका थिए । खानीखोला गाउँपालिकाका अध्यक्ष कृष्ण बहादुर खुलाल र उपाध्यक्ष रूकमेणी गुरूङ एमालेबाटै विजयी हुनुभएको हो ।

वडा नम्बर २ का वडाध्यक्ष ईन्द्र बहादुर थिङ, वडा नम्बर ३ का वडाध्यक्ष जय बहादुर लुङगेली मगर, वडा नम्बर ५ का वडाध्यक्ष दुर्गा प्रसाद तिमल्सिना र वडा नम्बर ६ का वडाध्यक्ष मान बहादुर गोले एमालेबाट विजयी बनेका थिए । एमाले फुटको असर यो गाउँपालिकामा देखिएको छैन् । सबै जनप्रतिनिधि एमालेमै रहनेछन् ।

रोशी गाउँपालिकामा १२ वटा वडा रहेका छन् । जसमा एउटा मात्रै वडा एमालेले जितेको थियो । वडा नम्बर ९ का वडाध्यक्ष जनम तामाङ र अन्य चार सदस्य पनि एमालेबाटै विजयी हुनुभएको हो । उहाँहरू नयाँ पार्टीमा नजाने बताइएको छ ।

जिल्लाको बेथानचोक गाउँपालिकामा ६ वटा वडा रहेका छन् । जहाँ एक जना पनि वडाध्यक्ष एमाले पार्टीले जितेको छैन् । हाल प्रस्तुत गरिएको विवरणमा भदौ २२ गतेपछि केहि फेरबदल आउने निश्चित छ । जिल्ला निर्वाचन कार्यालय काभ्रेका निर्वाचन अधिकृत उमेश कुमार राईका अनुसार यो विवरण तयार पार्दासम्म कुनै पनि जनप्रतिनिधि दल फरेको सनाखत गर्न आएका छैनन् ।