बीपी राजमार्गमा गुडिरहेको मोटरसाइकलमाथि ढुङ्गा खस्दा चालकको मृ त्यु

बीपी राजमार्गको काभ्रे खण्डमा गुडिरहेको मोटरसाइकल माथि ढुङ्गा खस्दा घाईते भएका दुई मध्ये एक जनाको मृ त्यु भएको छ । जिल्ला प्र हरी कार्यालय काभ्रेका अनुसार जनकपुरबाट काठमाण्डौ तर्फ आउदै गरेको ज.८.प ७४९० नम्बरको मोटरसाईकलमाथि रोशी गाउँपालिका वडा नं. ०७ कटुन्जेमा ढुङ्गा खसेको थियो ।

ढुङ्गाले लाग्दा मोटरसाईकल चालक र पछाडी बसेका यात्रु गम्भीर घाईते भएका थिए । उनीहरूलाई बिपद व्यवस्थापन उद्धारमा खटिएको प्र हरी टोली र स्थानीयको सहयोगमा धुलिखेल अस्पताल ल्याईएको थियो । उपचारको क्रममा मोटरसाइकल चालक महोत्तरी जिल्ला रामगोपालपुर घर भएका बर्ष २८ को सरोज कुमार साहको मृ त्यु भएको हो ।

घाईते धनुषा जिल्ला रामानन्धचोक घर भएका बर्ष ३० को सतिस कुमार साहको धुलिखेल अस्पतालमै उपचार भइरहेको जिल्ला प्र हरी कार्यालय काभ्रेले जनाएको छ । पहिरोको कारण अबरुद्ध बीपी प्र हरीको टोलीले खुलाएको छ ।

त्यस्तै अविरल बर्षाका कारण अवरुद्ध रहेको अरनिको राजमार्ग पनि सुचारू भएको छ । अरनिको राजमार्ग अन्तर्गत धुलिखेल नगरपालिकाको तिरतिरे धारा, पाँचखाल नगरपालिकाको खाँवा केराघारी, हनुमानगढी सडक खण्डमा पहिरोले सडक अवरुद्ध भएको थियो ।