सिन्धुपाल्चोक जिल्लाको बाह्रबिसे नगरपालिकाका नगरप्रमुख निमफुञ्जो शेर्पाले एमालेलाई अझ सुदृढ र बलियो बनाउने अभियानमा सहभागी हुन सबैलाई आग्रह गर्नुभएको छ । सामाजिक सञ्जाल फेसबुक मार्फत नगरप्रमुख शेर्पाले विगतकाे कुरालाई बिर्सिएर अब नेकपा एमाले पार्टीलाई एकताबद्ध रूपमा एक ढिक्का भएर अगाडि बढाउन आवश्यक रहेको बताउनुभयो ।
उहाँले लेख्नुभएको छ ‘एमाले मजबुद र एकताबद्ध बनाइराख्न केन्द्रले गरेकाे निर्णय निर्देशन, प्रदेशले गरेकाे निर्णय निर्देशन र जिल्लाले गरेकाे निर्णय निर्देशनकाे आफू आफूले पालना गर्दै पार्टीको विधि र विधानलाई टेकेर अनुशासित ढङ्गले गुट-उपगुट नभनि एकै थलाेमा नयाँ ढङ्गले नेकपा एमालेका आम कार्यकर्ता, शुभचिन्तककाे भावनालाई उत्साहका साथ संगठनलाई मजबुद बनाउदै अगाडि बढाउनकाे निमित्त सम्पूर्ण कमरेडहरूलाई म हार्दिक अनुराेध गर्न चाहान्छु ।’
नगरप्रमुख शेर्पा सिन्धुपाल्चोक जिल्लामा माधव कुमार नेपालको फ्रन्टलाईनर र प्रभावशाली नेताको रूपमा चिनिन्छु । हिजो राजधानीमा बसेको माधव नेपाल गुटका नेताहरूको बैठकले एमालेमा रहेर काम गर्ने निचोड निकालेको थियो । हिजोको बैठकमा नगरप्रमुख शेर्पा पनि सहभागी हुनुभएको थियो ।
Facebook Comments