सिन्धुपाल्चोकका राष्ट्रिय सभा सदस्य विक माधव नेपालको पार्टीमा

सिन्धुपाल्चोकमा तत्कालीन एमालेका फ्रन्ट लाईनर नेताहरू के गर्ने भन्ने दोधारमै रहेका बेला राष्ट्रिय सभा सदस्य सिंह बहादुर विश्वकर्माले आफु कित्ता क्लियर गरेका गर्नुभएको छ ।

सांसद विकले सामाजिक सञ्जाल फेसबुक मार्फत आफु माधव कुमार नेपालले नेतृत्व गरेको नेकपा एकिकृत समाजवादी पार्टीमा लागेको बताउनुभएको हो । सांसद विकले यस अघिपनि माधव कुमार नेपालकै गुटमा रहेर राजनीति गरेको र आगामी दिनमा पनि माधव नेपालकै पार्टीमा रहेर राजनीति गर्ने बताउनुभयो ।

राष्ट्रिय सभा सदस्यको हैसियतले हिजो निर्वाचन आयोगमा पुगेर विकले सनाखत गर्नुभएको थियो । ‘माधव नेपाल गुटमा रहेर नै राजनीति गरियो । लोकतान्त्रिक व्यबस्था, दलित अान्दोलनको उपलब्धि र पार्टी प्रतिको बफदार, ईमानदारीता र लगनशीलताले यो जिम्मेवारी प्राप्त गर्ने अबसर मिल्यो । जिम्मेवारीमा रहिरहँदा अाजसम्म कुनै पनि व्यक्तिगत लाभ र स्वार्थ राखेर कुनै कार्य गरिएको छैन । पछिल्लो राजनीतिक घट्ना क्रमअनुसार प्रतिगमनको खुलेरै विरोध गरियो, विकले भन्नुभयो ।

तत्कालीन माधव-झलनाथ समूहका अधिकांश जिल्ला नेताहरूलाई एमालेले बागमती प्रदेश कमिटी राखेको छ । सिन्धुपाल्चोक जिल्ला माधव-झलनाथ समूहको निकै राम्रो मानिँदै आएको थियो । विक २०७४ सालको स्थानीय तहको निर्वाचनमा वडा सदस्यमा पराजित हुनुभएको थियो ।