काभ्रेको मण्डनदेउपुर नगरपालिका-१० मा नेकपा एकीकृत समाजवादी पार्टी विस्तार

काभ्रेको मण्डनदेउपुर नगरपालिका वडा नम्बर १० मा नेकपा एकीकृत समाजवादी पार्टीको वडा कमिटीको बिस्तारित बैठक बसेको छ । बैठकले तुलबहादुर तामाङको अध्यक्षतामा १५ सदस्यीय वडा कमिटी विस्तार गरेको छ ।

वडा कमिटीको उपाध्यक्षमा केदार नेपाल, सचिवमा सुरेन्द्र नेपाल, सहसचिवमा दानध्वज तामाङ हुनुहुन्छ । सदस्यहरूमा राम प्रसाद नेपाल, सम्पे तामाङ, हरिप्रसाद नेपाल, धनकुमारी लामा, सुजन नेपाल, नवराज नेपाल, सर्मिला नेपाल, गोमा नेपाल, गोकुल नेपाल र ज्ञान बहादुर तामाङ रहनु भएको छ ।

बैठकले लक्ष्मण तामाङको अध्यक्षतामा युवा संघ नेपाल वडा कमिटी र धन कुमारी लामाको संयोजकत्वमा अनेमसंघ पनि गठन गरेको छ ।

बैठकलाई संविधानसभा सदस्य द्वय कृष्ण प्रसाद सापकोटा, बिदुर सापकोटा, गोकुल गौतम, माधब न्यौपाने, नारायण ढकाल (कुशल) लगायतले सम्बोधन गर्नुभएको थियो ।

नगरपालिका अन्य वडाहरूमा पनि तोकिएकै समयमा विस्तारित बैठक बस्ने एकीकृत समाजवादी पार्टी मण्डनदेउपुर नगरपालिका कमिटीले जनाएको छ ।