मेलम्चीमा बालुवा निकाल्न पाउनु पर्ने माग राख्दै माझी र दनुवार समुदाय आन्दोलित

मेलम्ची नगरपालिका वडा नम्बर १३ का माझी र दनुवार समुदाय आन्दोलित भएका छन् । साबेल प्रयोग गरेर बालुवा निकाल्न पाउनु पर्ने माग सहित उनीहरूले आन्दोलन थालेका हुन् ।

आन्दोलन स्वरूप वडा अध्यक्ष, वडा सदस्य, राजनितिक दलका प्रतिनिधि लगायत सम्पुर्ण मजदुरहरु मिलेर नगरपालिकामा ज्ञापनपत्र बुझाएका छन् । ज्ञापनपत्रमा साबेल प्रयोग गरेर मजदुरले नदिजन्य पदार्थ उत्खनन् गर्न पाउनु पर्ने र वडा नम्बर १३ बाट उठेको करको २५ प्रतिशत रकम सोहि वडाको विकास निमार्णको काममा खर्च गर्नुपर्ने माग राखिएको छ ।

स्काइभेक्टर प्रयोग गरेर नदिजन्य पदार्थ उत्खनन् गर्न पाउनी हामि मजदुरले वालुवा झिक्न किन नपाउनी भन्दै मजदुरहरुले प्रमुख प्रसाशकिय अधिकृत अमृत कुमार धितालको ध्यानाकर्षण गराएको आन्दोलनको सहजिकरण गरिरहनुभएका शिवराम दंगालले जानकारी दिनुभयो ।

ज्ञापन पत्र बुझ्दै प्रमुख प्रशासकीय अधिकृत धितालले मेसिन चलाउन रोक लगाइसकेको बताउनुभयो । उहाँले बाँकि केहि निर्णय कार्यपालिका बैठकबाट गर्नेभन्दै तत्कालका लागि प्राविधिकको सिफारिसमा वडाभित्र कुनैपनि मेसिन चलाउन नपाइने र साबेल प्रयोग गरेर बालुवा झिक्नदिने मौखिम प्रतिबद्धता जनाउनु भयो ।