मण्डनदेउपुरका लक्ष्मणले भने ‘ओली समूहको खेलकुद महासंघको सचिवमा बस्दिन’

काभ्रेमा शनिबार ओली समूहले ९९ सय जनाको जिल्ला खेलकुद महासंघ गठन गर्दै पूर्णता दिएको औपचारिक घोषणा गर्यो । १३ मध्ये ११ वटा स्थानीय तहमा संयोजक र सचिव तोकेको बतायो ।

तर केहि ब्यक्तिलाई भने सोध्दै नसोधी जिम्मेवारी तोकेको पाईएको छ । खेलकुद महासंघले मण्डनदेउपुर नगरपालिकाको सचिवको जिम्मेवारी दिएको भनिएका लक्षमण तामाङले आफुलाई थाहै नदिई राखेको भन्दै विज्ञप्ति नै जारी गर्नुभएको छ ।

तामाङले केन्द्रमा पार्टी अध्यक्षको रूपमा केपी ओलीलाई मान्ने भन्दै काभ्रे जिल्लामा अधिवेशनबाट निर्वाचित अध्यक्ष टोक बहादुर वाईबाको बिना सर्कुलर खेलकुद महासंघको नगर सचिव दिएको भन्दै आपत्ति जनाउनुभएको छ ।

तामाङले खेलकुद महासंघलाई तथाकथित ओली समूहको संज्ञा दिँदै आफु सचिव पदको जिम्मेवारीमा नरहेको र नरहने पनि बताउनुभयो ।