खाद्यान्न लिएर सं क्रमित भेट्न पुग्नुभयो नगरप्रमुख वाईबा

कोरोना भाईरसको प्रभावित क्षेत्रमा मण्डनदेउपुर नगरपालिकाका नगरप्रमुख टोक बहादुर वाईबा खाद्यान्न लिएर पुग्नुभएको छ । नगरप्रमुख वाईबा कोरोना सं क्रमणको चेन ब्रेक गर्न सिल गरिएको वडा नम्बर ४ को पुर्कोटी टोल र गैह्रिगाउँ पुग्नुभएको हो ।

नगरप्रमुख वाईबाले १० घर परिवारलाई १/१ बोरा चामल वितरण गर्नुभएको छ । त्यसैगरी ४/४ केजी दाल, तेल १/१ लिटर र १/१ केजी नुन वितरण गर्नुभएको नगरप्रमुख वाईबाको सचिवालयले जनाएको छ ।

यो टोललाई भदौ ४ गतेसम्म पूर्ण सिल गरिएको छ । सिल अवधिमा खाद्यान्नको समस्या नहोस् भनेर गाउँमै खाद्यान्न पुर्याईदिएको नगरप्रमुख वाईबाले बताउनुभयो । ‘यो गाउँबाट अन्त कोरोना भाईरसको सं क्रमण नफैलियोस भनेर पूर्ण सिल गरिएको छ । यो अवधिमा खाद्यान्न समस्या नहोस् भनेर सहयोग गरिएको हो । नगरप्रमुख वाईबाले भन्नुभयो ।’

जनप्रतिनिधि र कर्मचारी सहित पुग्नु भएका नगरप्रमुख वाईबाले सं क्रमितहरूको स्वास्थ्य अवस्थाको जानकारी लिँदै स्वास्थ्यकर्मीको निगरानीमा बस्न र आफ्नो स्वास्थ्यको ख्याल गर्न आग्रह गर्नुभयो । ‘यो बेला आत्तिएर होईन । स्वास्थ्यकर्मीको सल्लाह अनुसार आफ्नो स्वास्थ्यको ख्याल गर्नुहोस् । नगरपालिका तपाईहरूको साथमा छ, नगरप्रमुख वाईबाले भन्नुभयो ।’