मन्त्री सरेश नेपालद्वारा वृक्षरोपण

सामूदायिक वन दिवसको अवसरमा बागमती प्रदेश सरकारका उद्योग, पर्यटन, वन तथा वातावरण मन्त्री सरेश नेपालको नेतृत्वढा रक्तचन्दन प्रजातिको विरुवा रोपी बृक्षरोपण गरिएको छ ।

हेटौँडा उप महानगर नगरपालिका वडा नम्बर ११ मा रहेको गुम्बाडाँडामा उद्योग, पर्यटन वन तथा वातावरण मन्त्रालय, डिभिजन वन कार्यालय मकवानपुर र सामुदायिक वन महासंघले आयोजना गरेको कार्यक्रममा मन्त्री नेपालले वृक्षारोपण गर्दै वन संरक्षण, प्रवर्धनणा आफ्नो भूमिका सदैव उच्च रहने बताउनुभयो । साथै वन क्षेत्रको बृद्धि र विकासमा सम्बन्धित निकायले उठाएको विषयमा पनि  सकारात्मक र कार्यउन्मुख रहेको बताउनुभयो ।

आफ्नो भावनासंगै समेटिएको विषय भएकाले वन क्षेत्रलाई नमूना बनाउने गरी विकास गर्ने लक्ष्य मन्त्री नेपालको भनाई छ । वनको समस्या र जटिलतालाई यथाशिघ्र समाधान गर्न सम्बन्धित निकायसंग छलफल गर्ने र आएका सुझावलाई उपर्यूक्त ढंगले कार्यन्वयनको सुरूवात भैसकेको उहाँको भनाई छ ।

उद्योग, पर्यटन वन तथा वातावरण मन्त्रालयका सचिव डा. सिन्धु प्रसाद ढुंगानाको अध्यक्षतामा सम्पन्न भएको कार्यक्रममा हेटौँडा उपमहानगरपालिकाकी उपमेयर मिना लामा, सामुदायिक वन राष्ट्रिय महासंघ बागमती प्रदेशका अध्यक्ष, स्थानीय सामूदायिक वन उपभोक्ता समितिका अध्यक्षले वनसंग सम्बन्धित आ-आफ्नो विचार व्यक्त गर्नु भएको थियो ।