फटकशिलाको रातो भिरमा पहरो, सडक अवरूद्ध

जिरो किलो मेलम्ची सडक अन्तर्गत फटकशिलामा सडक अवरुद्ध भएको छ । फटकशिलाको रातो भिर भन्ने ठाउँमा पहिरो खसेकाले सडक अवरुद्ध भएको हो ।

इन्द्रावती नदीको बाढीले तलबाट कटान गरेको र माथिबाट पहिरो झरेका कारण सडक अवरुद्ध भएको स्थानीयले जनाएका छन् । रातोभिरमा पहरोले सडक अवरुद्ध भएपछि मेलम्चीसम्म पुग्न समेत समस्या भएको छ ।

असार १ गते र साउन १७ राति आएको बाढीले मेलम्ची, हेलम्बु र पाँचपोखरी थाङपालधाप गाउँपालिकाको जनजीवन नराम्रोसंग प्रभावित बनेको छ ।