काभ्रेका को-को परे एमालेको विभागमा ?

नेकपा एमालेले गठन गरेको नौ ओटा केन्द्रीय विभागमा काभ्रेका पनि सदस्यमा परेका छन् । स्थायी कमिटीको सोमबार बसेको बैठकले विभाग प्रमुख र सदस्यको नाम अनुमोदन गर्दा काभ्रेका पनि परेका हुन् ।

नौ वटा विभागहरू मध्य स्थानीय तह विभागमा धुलिखेल नगरपालिकाका मेयर एवं नेपाल नगरपालिका संघका अध्यक्ष अशोक कुमार ब्याञ्जु श्रेष्ठ र ध्रुबप्रसाद थपलिया सदस्यमा परेका हुन् ।

त्यस्तै पर्यटन तथा प्रवर्द्धन विभागमा लीला लामाको नाम प्रस्ताव गरिएको छ । स्थानीय तह विभागको सदस्यमा सिन्धुपाल्चोकको जुगल गाउँपालिका अध्यक्ष तथा गाउँपालिका महासंघका अध्यक्ष होम नारायण श्रेष्ठ पनि रहनुभएको छ ।

एमालेले स्कुल विभाग, संगठन विभाग, आर्थिक विभाग, विदेश बिभाग, प्रचार विभाग, पर्यटन विभाग, निर्वाचन विभागलाई पूर्णता दिएको छ । माधव नेपाल पक्षलाई एक तिहाइ सदस्य छाडिएको प्रचार विभाग एवं पार्टीका प्रवक्ता प्रदिप ज्ञवालीले जानकारी दिनुभयो ।

यी नामहरु स्थायी कमिटीमा प्रस्ताव भए पनि केन्द्रीय कमिटीबाट अनुमोदन हुन बाँकी रहेको एमालेले जनाएको छ । प्रस्तावित केही नाम थपघट हुन् सक्नेछ ।