नेकपा एमालेको लालकिल्ला भनेर निचिने सिन्धुपाल्चोक जिल्लाको लिसंखुमा पछिल्लो समय नेपाली कांग्रेस प्रति युवाहरूको आकर्षण ह्वात्तै बढेको छ । काँग्रेसले एमालेका सक्रिय कार्यकर्तालाई धमाधम आफ्नो पार्टीमा प्रवेश गराईरहेको छ ।
काँग्रेसले आज काठमाडौंमा विशेष कार्यक्रमको आयोजना गरि दर्जनौं युवाहरूलाई पार्टी प्रवेश गराएको हो । एमाले, माओवादी र राप्रपाका कार्यकर्ता तथा समर्थकलाई काँग्रेस केन्द्रीय सदस्य एवं पूर्व मन्त्री मोहन बहादुर बस्नेतले पार्टी प्रवेश गराउनु भएको हो ।
राप्रपाका ईकाइ सभापति यम लाल लामा, अखिल क्रान्तिकारीका नेता, जिल्ला कमिटी सदस्य तथा माओबादी केन्द्रका सक्रिय कार्यकर्ता तेन्जेन वाङ्गेल लामा (निमा लामा), एमालेका सक्रिय कार्यकर्ता बुद्ध तामाङ सहित ४० जना भन्दा बाढी नेता कार्यकर्ता काँग्रेसमा प्रवेश गरेका हुन् ।
बिभिन्न पार्टी परित्याग गरी काँग्रेस प्रवेश गरेका नेता कार्यकर्तालाई स्वागत गर्दै नेताले बस्नेतले काँग्रेसले सबैको चित्त बुझाएर विकास निर्माणको काम गर्ने र त्यसका लागि युवा शक्तिको आवश्यक पर्ने बताउनु भयो । ‘हाम्रो पार्टीमा सबैलाई अट्ने ठाउँ छ, हामी प्रजातन्त्रवादी हौँ, सबैको भावनालाई कदर गर्दै एकढिक्का काँग्रेस हुनुको बिकल्प छैन्, नेता बस्नेतले भन्नुभयो ।’
लिसंखुबाट यम लाल लामा, तेन्जेन वाङ्गेल लामा (निमा लामा), बुद्ध लामा, युवराज लामा, डेनी लामा, विजय लामा, सुष्मा लामा, युवराज तामाङ, पासाङ लामा, रूपक लामा, माईला लामा, लाक्पा लामा, तीर्थ लामा, घ्याम्जो लामा, जीवन लामा, दुर्गा श्रेष्ठ, निमा लामा छन् ।
त्यसैगरि सचिन लामा, माईला योञ्जन, अनिता योञ्जन, सुनिता योञ्जन, प्रणिश योञ्जन, ठाईली योञ्जन, बालकृष्ण उप्रेती, आकाश तामाङ, लाल बहादुर तामाङ, अनुष तामाङ, अर्नुज तामाङ, कर्म सिंह तामाङ, शुक्र योञ्जन, रेशम योञ्जन, सिता थिङ, दोर्जे लामा, पासाङ योञ्जन, रवि योञ्जन, निमा दोर्जे लामा, सुरज सुन्दास लगायत रहेका छन् ।
Facebook Comments