जिल्ला मालपोत कार्यालय काभ्रेले सेवाग्राहीका लागि ‘बार’ तोकेको छ । कार्यालयले आज एक सूचना जारी गर्दै भोलीदेखि लागु हुने गरी ‘बार’ तोकेको हो ।
कार्यालयले जारी गरेको सूचना अनुसार आईतबार, मंगलबार र बिहीबार धुलिखेल, पाँचखाल र नमोबुद्ध नगरपालिकाका सेवाग्राहीले सेवा लिन पाउने छन् ।
त्यस्तै सोमबार, बुधबार र शुक्रबार बनेपा, पनौती र मण्डनदेउपुर नगरपालिकाका सेवाग्राहीले सेवा लिन पाउने छन् ।
स्वास्थ्य मापदण्डका कारण नगरपालिकाका सेवाग्राहीको सेवाका लागि बार तोकेको मालपोत कार्यालयले जनाएको छ ।
Facebook Comments