जिल्ला प्रशासन कार्यालय काभ्रेले साउन २५ गतेसम्म नि’षेधाज्ञा थप गरेको छ । प्रमुख जिल्ला अधिकारी शिवराम पोखरेले आज नि’षेधाज्ञाको आदेश जारी गर्नुभएको हो ।
प्रशासन कार्यालयले अत्यावश्यक काम परि हिँडडुल तथा आवतजावत गर्दा जनस्वास्थ्यका मापदण्ड र सामाजिक दूरी पूर्णरुपमा पालना गर्न आग्रह गरेको छ । त्यस्तै सबै प्रकारका भेला, जुलुस, सभा, सम्मेलन, सिनेमा हल, पाटी प्यालेस, स्विमिङ पुल, मनोरञ्जन स्थल, सैलुन, ब्युटिपार्लर, जिमखाना, सञ्चालन नगर्न भनेको छ ।
हाट बजार, मेला, जात्रा, महोत्सव, पाटी, भोज जस्ता कार्यक्रम नगर्न पनि प्रशासनले आदेश जारी गरेको छ । विवाह, व्रतबन्ध तथा सामुहिक रुपमा गरिने साँस्कृतिक कार्यक्रमहरू होटल तथा पाटी प्यालेसमा गर्न पाईने छैन् ।
तोकिएको तरकारी बजार बाहेक अन्य सार्वजनिक स्थल र बाटोमा तरकारी तथा फलफूल विक्री वितरण गर्न पाइने छैन ।
सार्वजनिक सवारी साधनको हकमा र प्रशासन कार्यालयले कुल सिट क्षमताभन्दा बढी संख्या यात्रु नराख्ने गरी चालक सहचालक तथा यात्रुले निर्धारित जनस्वास्थ्यका मापदण्डहरु पालना अनिवार्य गर्नुपर्नेछ ।
यस्तै निर्माण सामग्री ढुवानी गर्ने सवारी साधन भने स्वास्थ्य सुरक्षाको मापदण्ड पूर्णरुपमा पालना गरेर जिल्लाभित्र साझ ५ बजेदेखि बिहान ८ बजेसम्म र जिल्ला बाहिर राति ९ बजेदेखि बिहान ५ बजेसम्म सञ्चालन गर्न पाईने प्रमुख जिल्ला अधिकारी शिवराम पोखरेले जानकारी दिनुभयो ।
Facebook Comments