मण्डनदेउपुर नगरपालिकाको हिगुवापाटीमा विद्युत महसुल काउण्टर सुरू

काभ्रेको मण्डनदेउपुर नगरपालिकाको हिगुवापाटीमा विद्युत महसुल काउण्टर सुरू गरिएको छ । हिगुवापाटी नो-लाईट र महसुल काउण्टरको आज नगरप्रमुख टोक बहादुर वाईबाले उद्घाटन गर्नुभएको हो ।

नेपाल विद्युत प्राधिकरण पाँचखाल बितरण केन्द्र मातहत रहने गरी हिगुवापाटी नो-लाईट र महसुल काउण्टर सञ्जालमा ल्याइएको हो । विद्युत महसुस बुझाउन पाँचखाल आउनु पर्दा मण्डनदेउपुर नगरबासी खेप्दै आएको सस्तो कम हुने भएको छ ।

यो काउण्टरबाट नगरभित्रका ६ हजार ५०० घरधुरि लाभान्वित हुने छन् । विद्युत महसुस भन्दा बढी गाडी भाडा लाग्ने गरेकामा अब सजिलै र सहज रुपमा बुझाउन सकिने नगरप्रमुख वाईबाले बताउनुभयो । नगरप्रमुख वाईबाले नगरलाई काठका पाेल मुक्त बनाउने काम अन्तिम चरणमा पुगेको बताउनुभयो ।

नगरप्रमुख वाईबाले काे भिड का कारण काउन्टर खाेल्न केहि ढिलाई भएपनि नगरबसीले अब सजिलै सेवा लिन पाउने अवस्था बनेको बताउनुभयो । उहाँले विद्युत महशुल काउन्टर भवन र बृहत खानेपानीकाे भवन निर्माणका लागि जग्गा उपलब्ध गराउने प्रतिबद्धता व्यक्त गर्नुभयाे ।

नगरभित्र काठको पोल बिस्थापन गरि फलामका पाेल राख्न आफुहरूकाे तर्फबाट गर्नुपर्ने सबै सहयोग गर्ने नेपाल विद्युत प्राधिकरण पाँचखाल केन्द्रले जनाएको छ । काउण्टर उद्घाटन कार्यक्रममा वडा नम्बर ७, वडा नम्बर ५, वडा नम्बर १, वडा नम्बर ३ र वडा नम्बर ९ का वडाध्यक्ष सहभागी हुनुभएको थियो ।