बेथानचोक गाउँपालिकामा भ्रष्टाचारले सिमा नाघेको भन्दै कांग्रेस कार्यकर्ताकै आक्रोश

काभ्रेको बेथानचोक गाउँपालिकामा बेतिथीको चाङ लागेको छ । भ्रष्टाचारमा गाउँपालिका चुर्लुम्म डुबेको पालिकाका पूर्व प्रेस सल्लाहकार मोहन कृष्ण तिमिल्सिनाले बताउनुभयो । गाउँपालिकामा भैरहेको बेथितीबारे सामाजिक सञ्जाल मार्फत प्रेस सल्लाहकार तिमिल्सिनाले आफ्नो असन्तुष्टि जनाउनुभयो हो ।

२०७४ सालमा भएको स्थानीय तहको निर्वाचनमा बेथानचोक गाउँपालिकामा प्रतिनिधित्व गर्ने जनप्रतिनिधि १ जना माओवादीका वडा सदस्य बाहेक सबै नेपाली कांग्रेसका छन् । यो पालिकामा नेकपा एमालेका एकजना पनि जनप्रतिनिधि छैन् । कार्यपालिका सदस्यमा विपक्षी पार्टीका एक जना पनि सदस्य छैन् । यसैको मौका छोपेर कांग्रेसका जनप्रतिनिधिले मनोमानी गरिरहेको पाईएको छ ।

पालिकाका प्रेस सल्लाहकार तिमिल्सिनाले बेथान्चोक गाउँपालिकामा बिगत ४ बर्ष देखि हुँदै आएको नितिगत भ्रष्टा’चारको वि’रुद्ध आवाज बुलन्द गर्ने र सुशासन कायम गर्ने सोचका साथ सधै लागि परेको बताउनुभयो ।

पछिल्लो समय बेथान्चोक गाउँपालिका वडा नम्बर ३ मा प्रधानमन्त्री स्वरोजगार कार्यक्रममा भएको व्यापक नितिगत भ्रस्टाचार बि’रुद्ध सामाजिक सञ्जालमा आफ्ना बिचार राखेको बिषयलाई आधार मानेर जनप्रतिनिधि र नेतृत्व तहबाट स्थानीय सरकारको बि’रुद्ध बोल्ने हो भने नेपाली कांग्रेसले दिएको क्रियाशील सदस्यबाट राजिनामा दिएर आउन दवाब दिएको तिमिल्सिनाले बताउनुभएको छ ।

तिमिल्सिनाले फेसबुकमा लेख्नुभएको छ: ‘म स्वतन्त्र बस्न तयार छु । तर नितिगत रूपमा हुने भ्रष्टाचारको बि’रुद्धमा बोल्न र लेख्न कुनै पनि हालमा रोकिन नसक्ने जानकारी छु । साथै आजैका मितिदेखी मैले नेपाली काङ्ग्रेसको क्रियाशील सदस्यबाट राजिनामा दिएको घोषणा गर्दछु।’

‘बेथानचोक गाउँपालिकामा हुने कुनै पनि नितिगत भ्रष्टाचारको विरुद्धमा युवाहरूलाई मेरो साथ सहयोग रहने र मलाइ पनि सहयोग गर्नु हुनेछ भन्ने आशा लिएको छु, तिमिल्सिनाले भन्नुभयो ‘भोलि नै प्रधानमन्त्री स्वरोजगार कार्यक्रममा भएको व्यापक नितिगत भ्रस्टाचारका बिषयमा अख्तियार दुरुपयोग अनुसन्धान आयोगमा उ’जुरी साथै निवेदन दर्ता गर्ने जानकारी गराउँद छु ।’