काभ्रेको मण्डनदेउपुर नगरपालिकाको सबै विद्यालय आजबाट सञ्चालनमा आएका छन् । नगरपालिकाले आजबाट सबै विद्यालयलाई नयाँ शैक्षिक सत्रको कक्षा सञ्चालन गर्न आग्रह गरेको हो ।
असार ९ गते बसेको नगर कार्यपालिका बैठकको निर्णयअनुसार शैक्षिकसत्र २०७८ को पठनपाठन सुरु गरिएको शिक्षा शाखा अधिकृत लोकेन्द्र बहादुर बिष्टले जानकारी दिनुभयो । नगर कार्यपालिका बैठकले विद्यालय सञ्चालन कार्यविधि नै बनाएको छ ।
नगरपालिकाले असार १३ गते जारी गरेको पत्रअनुसार नै पठनपाठनको क्रियाकलाप गर्न भनेको छ । नगरपालिकाको अर्को सूचना जारी नहुँदासम्म विद्यालयको भौतिक पूर्वाधारलाई मध्यनजर राख्दै १-३, ३-५, ५-८, ९-१०, ११-१२ लाई सिफ्ट मिलाउन पठनपाठन गर्न भनिएको छ ।
शिक्षण सिकाई क्रियाकलाप सञ्चालन गर्दा स्वास्थ्य सुरक्षाका न्यूनतम मापदण्ड अपनाई भौतिक दूरी कायम गरी पठनपाठन गर्नुपर्ने छ । अत्यावश्यक अनुसार शिक्षण सिकाईका अन्य बैकल्पिक उपायहरुलाई समेत जोड दिई पठनपाठनका क्रियाकलाप अघि बढाउन र कोरोना सं’क्रमित देखिएमा तत्काल विद्यालयको पठनपाठन स्थगित गर्न नगरपालिकाले सबै विद्यालयलाई निर्देशन दिएको छ ।
Facebook Comments