नमोबुद्ध नगरपालिकाको वडा नम्बर ४ ‘सिल’

काभ्रेको नमोबुद्ध नगरपालिकाको वडा नम्बर ४ लाई ‘सिल’ गरिएको छ । आज प्रमुख प्रशासकीय अधिकृत राजन पौडेलले आज एक सूचना जारी गर्दै वडा नम्बर ४ शिल गरिएको बताउनुभएको हो ।

वडाको समुदाय स्तरमै कोरोना भाईरस फैलिइएकाले सिल गरिएको प्रमुख प्रशासकीय अधिकृत पौडेलले बताउनुभयो । आज राति १२ देखि साउन ७ गते राति १२ बजेसम्म वडा नम्बर पूर्ण रुपमा सिल हुनेछ ।

जोरसल्ला, फस्रे डाँडा, लाल देवी वस्ती, श्रीराम बस्ती, सूर्य बस्ती, सार्की टोल, कामी टोल र चिसापानी बस्ती बस्ती पूर्णरुपमा सिल हुनेछ । तोकिएको क्षेत्रमा औषधि पसल, अस्पताल तथा स्वास्थ संस्था, स्वास्थ्य सेवा प्रदायक संस्था बाहेक खाद्यान्न पसल दूध तथा दुग्धजन्य पदार्थ बिक्री गर्ने पसल, मासुपसल, फलफूल  लगायत सबै पसलहरु सञ्चालन गर्न पाईने छैन् ।

बैंक, सहकारी, बीमा कम्पनी शिल गरिएको अवधीभर पूर्णरुपमा बन्द गर्नुपर्ने छ । यस्तै अतिआवश्यक सेवा प्रदान गर्ने निजि तथा सार्वजनिक कार्यालय बाहेक अन्य कुनै पनि कार्यालय खोल्न पाइने छैन ।

निर्माण सामग्रीको ढुवानी गर्ने सवारी साधन नगरपालिकाले जारी गरेको नि’षेधाज्ञा आदेशमा उल्लेख समयअनुसार सञ्चालन गर्ने र निर्माण सामग्री ढुवानी गर्ने सवारी साधनले नगरपालिकाले तोकेको सम्पूर्ण स्वास्थ्य सुरक्षा मापदण्ड पालन गरेर मात्र सञ्चालन गर्नु पर्नेछ । अत्यावश्यक सेवा प्रवाहमा प्रयोग हुने बाहेक कुनै पनि निजी तथा सार्वजनिक सवारीसाधनको प्रयोग गर्न पाइने छैन ।