काभ्रेमा साउन १० गतेसम्म नि’षेधाज्ञा थप

जिल्ला प्रशासन कार्यालय काभ्रेले साउन १० गतेसम्म नि’षेधाज्ञा थप गरेको छ । काभ्रेमा पहिलो पटक बैशाख १९ गतेदेखि नि’षेधाज्ञा सुरू भएको छ ।

जिल्ला अधिकारी शिवराम पोखरेलले आज निषेधाज्ञा थप आदेश जारी गर्नुभएको हो ।  प्रशासन कार्यालयले जारी गरेको आदेशमा अत्यावश्यक काम परि आवतजावत गर्दा जन स्वास्थ्यको मापदण्ड र सामाजिक दुरी पूर्णरुपमा पालना गर्न भनिएको छ ।

त्यस्तै सबै प्रकारका भेला, जुलुस, सभा, सम्मेलन, सिनेमा हल, पाटी प्यालेस, स्वीविमि पुल, मनोरञ्जन स्थल, शैलुन, ब्यूटी पार्लर र जिमखाना पनि सञ्चालन नगर्न भनिएको छ । प्रशासन कार्यालयले हाल, मेला, जात्रा, महोत्सव, पाटी भोज जस्ता भिडभाड हुने कार्यहरू पनि नगर्न सर्वसाधारणलाई आग्रह गरेको छ ।

विवाह, व्रतबन्ध तथा सामाजिक रुपमा गरिने सांस्कृतिक कार्यक्रमहरु होटल तथा पार्टी प्यालेसमा नगर्न प्रशासनले उर्दी जारी गरेको छ । त्यस्तै तोकिएको तरकारी बजार बाहेक अन्य सार्वजनिक स्थल र बाटोमा तरकारी तथा फलफूल विक्री वितरण नगर्न पनि भनेको छ ।

प्रशासन कार्यालयले सार्वजनिक सवारी साधनका लागि कुल सिट क्षमताभन्दा बढी संख्या यात्रु नराख्न र चालक, सहचालक तथा यात्रुहरुले निर्धारित जनस्वास्थ्यका मापदण्ड पालन अनिवार्य गरेर मात्र सञ्चालन गर्न भनेको छ ।

त्यस्तै विकास निर्माणका सामग्री ढुवानी गर्ने सवारी साधन जिल्लाभित्र  स्वास्थ्य सुरक्षाको मापदण्ड पूर्णरुपमा पालना हरु गरेर साँझ ५ बजेदेखि बिहान ८ बजे र जिल्ला बाहिर राति ९ बजेदेखि बिहान ५ बजेसम्म सञ्चालन गर्न पाउने नियम तोकेको छ ।

पसल सञ्चालन बिहान ६ बजेदेखि बेलुका ७ बजेसम्म मात्र गर्न पाउनेछन्