पनौती नगरपालिकाले पटक पटक ताकेता गर्दा पनि पनौती-बनेपा सडकमा पिच हुन नसकेपछि नगरप्रमुख भिम न्यौपानेले यात्रा सहज बनाउन निर्देशन दिनुभएको छ । नगरप्रमुख न्यौपानेको निर्देशन बमोजिम अहिले ग्राभेल बिछ्याउने काम धमाधम भैरहेको छ ।
नगरप्रमुख न्यौपानेले आज निर्माणाधिन सडकको अवलोकन गर्दै खाल्डो तत्काल पुरेर यात्रालाई सहज बनाउन आग्रह गर्नुभएको हो । बर्षातका कारण कालोपत्रे गर्न अनुकुल समय नभएको र हिलोले बनेपा-पनौती सडकमा आवतजावत गर्न निकै कष्टकर बनिरहेको भन्दै नगरप्रमुखको निर्देशनमा अहिले ग्राबेल बिछ्याएर रोलरले पेल्ने काम भैरहेको छ ।
बनेपा-पनौती सडक निकै लामो समयदेखि लथालिङ्ग अवस्थामा छ । यो पटक पिच गर्ने तयारी हुदै गर्दा बर्खा लागेपछि यात्रुको कन्तबिजोक भैरहेको छ । बर्षा निकै भएकाले पिच गर्न नसकिएको निर्माण कम्पनीले बताउने गरेको छ ।
समयमै सडक पिच नहुँदा यसको अपजस सबै नगरपालिकाले बेहोरी रहेको छ । सडक फराकिलो पारिएपनि पिच नहुँदा दैनिक आवतजावत निकै कष्टकर बनिरहेको छ ।
Facebook Comments