काभ्रे जिल्लामा भोलिदेखि ५५ वर्षमाथिका लागि भोलीदेखि भेरोसेल खोप लगाईने भएको छ । स्वास्थ्य कार्यालय काभ्रेले आज एक सूचना जारी गर्दै भोलिदेखि ५५ वर्षमाथिकालाई भेरोसेल खोप लगाइने जनाएको हो ।
५५ बर्षमाथिका सबै नागरिकले पहिलो डोज खोप लगाउन पाउने छन् । त्यस्तै विश्वविद्यालयका प्राध्यापक, शिक्षक र कर्मचारी, सार्वजनिक यातायातमा काम गर्ने चालक र सहचालकले पनि खोप पहिलो डोज लगाउन पाउने स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर नरेन्द्र कुमार झाले जानकारी दिनुभयो ।
त्यस्तैगरी नेपाल सरकारले तोकेका अत्यावश्यक सेवामा काम गर्ने ब्यक्तिले पहिलो डोज लगाउन पाउनेछन् । ५५ वर्षमाथिका पहिलो डोज भेरोसेल खोप लगाएका सबैले नागरिकले दोस्रो डोज पनि लगाउन पाउने बरिष्ठ स्वास्थ्य प्रशासक डाक्टर झाले बताउनुभयो ।
आफ्नो गाउँपालिका र नगरपालिकाको पायक पर्ने खोप केन्द्रमा गएर खोप लगाउन पाईनेछ । खोप लगाउन जाँदा आफ्नो उमेर खुल्ने नेपाल सरकारले जारी गरेको कुनै न कुनै आधिकारिक प्रमाणपत्र साथैमा लैजान स्वास्थ्य कार्यालय काभ्रेले आग्रह गरेको छ ।
Facebook Comments