नेकपा एमाले बाग्मती प्रदेश कमिटिले बाढी ग्रस्त सिन्धुपाल्चोक जिल्लाको हेलम्बु गाउँपालिकाका स्थानीयलाई आर्थिक सहयोग गरेको छ । एमाले बागमती प्रदेश कमिटीले ६ लाख नगद सहयोग गरेको हो ।
सहयोग रकम लिएर बागमती प्रदेश कमिटी सह इन्चार्ज तथा पार्टी केन्द्रीय कार्यालय सचिब मन्त्री शेर बहादुर तामाङ, सह इन्चार्ज काशिनाथ अधिकारी, अध्यक्ष आनन्द पोख्रेल, सचिब खेम लोहनी, पार्टी केन्द्रीय सदस्य एबं खेलकुद महासंघ इन्चार्ज पूर्व मन्त्री दावा लामा, नेकपा एमाले काठमाडौं, भक्तपुर र सिन्धुपाल्चोकका अध्यक्ष बाढी प्रभावित क्षेत्रमा पुग्नु भएको थियो ।
पूर्व मन्त्री शेर बहादुर तामाङको समन्वयमा नेपाल औषधि व्यावसायि संघ काठमाडौं शाखाले बाढी पीडितका लागि आर्थिक सहयोग प्रदान गरेको छ ।
तेर्से माध्यामिक विद्यालय एबं बजार संरक्षण समितिलाई नेकपा एमाले २ लाख र औषधि व्यावसायि ४० हजार रूपियाँ सहयोग गरेको हो ।
सरस्वती माध्यामिक विद्यालय एबं बजार संरक्षण समितिलाई नेकपा एमाले २ लाख र औषधि व्यावसायि ४० हजार, चनौटे बजार संरक्षणका लागि हेलम्बु युबा समाज क्लबलाई नेकपा एमाले २ लाख र औषधि व्यावसायिले ४० हजार आर्थिक सहयोग गरेका छन् ।
साथै प्रदेश कमिटिको समन्वयमा नेपाल चाईना हिमालयन फ्रेन्डसिप सोसाईटीले त्रिपाल, टेन्ट , म्याटृस, कराइ, थाल, जग, कचौरा, मन्जन ब्रस लगायतका सामग्री समेत हेलम्बुको लागि क्लबलाई जिम्मा लगाएको छ ।
बाढी ग्रस्त सिन्धुपाल्चोकका लागि एमाले भक्तपुर, काठमाडौं, काभ्रेपलान्चोक जिल्ला कमिटिको तर्फबाट २/२ लाख गरि ६ लाख , ललितपुर जिल्ला कमिटीबाट १ लाख र पार्टी बाग्मती प्रदेश कमिटीबाट ३ लाख गरि जम्मा १० लाख ब्यबस्थापन गरिएको छ ।
मेलम्चीमा आधिकारिक रुपमा समिती नबनेकाले सकम हस्तान्तरण गर्न नसकिएको एमाले सिन्धुपाल्चोकले जनाएको छ ।
Facebook Comments