धुलिखेलको फस्कोटमा कोरोना सं’क्रमणबाट मृ’त्यु भएकाको सम्झनामा वृक्षारोपण

काभ्रेको धुलिखेल नगरपालिका वडा ११ नम्बर फस्कोटमा कोरोना भाईरसको सं’क्रमणबाट मृ’त्यु भएकाको सम्झनामा वृक्षारोपण गरिएको छ । खड्का राज पन्तको नेतृत्व सुन्दर सामुदायिक वनमा वृक्षारोपण गरिएको हो ।

कोरोना भाईरसको सं’क्रमणबाट मृ,त्यु भएकाको सम्झनामा तेज पत्ता, मसला, धुपी, रिठ्ठा, कल्की र टिमुर गरि ३ सय वटा बिरूवा रोपेको पन्तले जानकारी दिनुभयो । वन समूहका उपभोक्ताकै सहभागिता वृक्षारोपण गरिएको हो ।

‘यो पटक कोरोना भाईरसको सं’क्रमणबाट धेरै नेपाली दाजुभाई, दिदीबहिनीले ज्यान गुमाउनु भयो, उहाँहरूकै सम्झनामा वृक्षारोपण गरेका हौँ, यी बिरूवालाई जोगाउन सबै उपभोक्तालाई सचेत गराएका छौँ, पन्तले भन्नुभयो ।’

पन्तले अघिल्लो बर्षहरू पनि वृक्षारोपण गर्दै आईरहनु भएको छ । यो पटक कोरोना भाईरसको सं’क्रमणबाट जोगिन सीमित ब्यक्तिमात्रै उपस्थित भएर वृक्षारोपण गरिएको पन्तले बताउनुभयो ।