पनौती क्षेत्रको धान बालीमा सिड ब्लाईटकाे लक्षण देखियो, विषादी छर्न नगरपालिकाले सुझायो

काभ्रेको पनौती नगरपालिकाले बिभिन्न फाँटमा लगाइएको धान बालीमा सिड ब्लाईटकाे लक्षण देखिएको भन्दै किसानलाई विषादी छर्न सुझाव दिएको छ । नगरपालिकाको कृषि तथा पशुपन्छी शाखाले धानका बिभिन्न जातमा देखिएकाे समस्या खैरे फड्के किरा र सिड ब्लाईटकाे लक्षण भएकाले विषादी छर्कन सुझाव दिएको हो ।

नगरपालिकाको कृषि तथा पशुपन्छी शाखाले किसानलाई विषादीको नाम सहित छर्ने तरिका समेत जानकारी गराएको हो । एजाडिराक्टिन ०.०३ प्रतिशत, ईसि २ मिलिलिटर वा एसिफेट ७५ प्रतिशत एसपी २ मिलिलिटर वा ब्रुप्राेफेजिन २५ प्रतिशत एसपी १.५ मिलिलिटर वा फ्रिप्राेनिल ५ प्रतिशत एससि २-३ मिलिमिटर वा ईमिडाक्लाेप्रीड १७.८ एसएल १ मिलिलिटर प्रति ४ लिटर पानीमा किराकाे संख्या हेरि एक हप्ताकाे फरकमा छर्ने भनेको छ ।

कृषि तथा पशुपन्छी शाखाले बिषादि छर्कदा धानकाे विरूवामाथि बाट मात्र हाईन विरूवाकाे फेदकाे भागमा पर्ने गरि छर्कनु किसानलाई आग्रह गरेको छ ।

सिड ब्लाईट देखिएमा भेलिडामाईसिन ३ प्रतिशत एल ३ ग्राम प्रति लिटर पानीमा मिसाई प्रयाेग गर्न भनेको छ । हेक्जाकाेनाजाेल ५ प्रतिशत ईसि २ मिलिमिटर प्रति लिटर वा प्राेपिकाेनाजाेल २५ प्रतिशत ईसि १ मिलिमिटर प्रति ४ लिटर पानीमा मिसाएर छर्कन सकिनेछ ।

त्यस्तै पेन्साईकुरन २२.९ एससि १.५ मिलि प्रति लिटर पानीमा मिसाएर छर्कन कृषि तथा पशुपन्छी शाखाले किसानलाई आग्रह गरेको छ । यी विषादी कुनै एक राेग वा किराकाे लागि एक पटकमा एक किसिमकाे बिषादि मात्र प्रयाेग गर्न किसानलाई नगरपालिका अनुरोध गरेको छ ।