अविरल बर्षासंगै काभ्रेका सबै खोला, नदी र खोल्सामा बाढी

निरन्तरको झरीसंगै काभ्रेका सबै जसो खोला, नदी र खोल्सामा बाढी आएको छ । जिल्लाका सबै खहरेहरूमा पानीको बहाव निकै बढेको छ ।

बनेपाको पुण्यमाता खोला, पनौतीको रोशी खोला, पाँचखालको झिगुँ खोला, मण्डनदेउपुरको चा खोला, खानीखोला, ढुंखर्कबाट बग्ने खोलामा बाढी आएको छ । पुण्यमाता खोलाको बाढीले बनेपाको पुल बजार डुबानमा परेको छ ।

बाढीले क्ष’ति पुर्याएको वितरण नआईसके पनि सजग रहन सम्बन्धित स्थानीय तह र प्रशासनले आग्रह गरेका छन् । पानी परिरहेको र जुनसुकै बेला पनि पानी सहत बढ्न सक्ने बन्दै खोला छेउछाउ काम गर्दा विशेष सावधानी अपनाउन सर्वसाधारणलाई आग्रह गरिएको हो ।

अरनिको राजमार्गको धुलिखेल खण्डमा सडक भाँसिएको छ । केहि दिन अघिमात्रै मर्मत गरिएको ठाउँ भाँसिएको हो ।

सिन्धुपाल्चोकको हेलम्बु र पाँचपोखरी थाङपालधाप गाउँपालिकामा परेको पानीसंगै इन्द्रावती नदीमा पानी सतह निकै बढेको छ । त्यस्तै सुनकोशी नदीमा पनि पानीको सतह बढेको जिल्ला प्रशासन कार्यालय सिन्धुपाल्चोकले जनाएको छ ।