नेपाल स्वास्थ्य प्राबिधिक संघ काभ्रेद्वारा स्वास्थ्य र खाद्य सामग्री वितरण

नेपाल स्वास्थ्य प्राबिधिक संघ (PAN) काभ्रेले आफ्नो स्थापना दिवसको अवसरमा स्वास्थ्य र खाद्य सामग्री वितरण गरेको छ । ४३ औं स्थापना दिवसमा मानव कल्याण समाज सेवा घरलाई स्वास्थ्य र खाद्य सामग्री हस्तान्तरण गरिएको नेपाल स्वास्थ्य प्राबिधिक संघ (PAN) काभ्रेका अध्यक्ष सन्दीप केसीले जानकारी दिनुभयो ।

मानव कल्याण समाज सेवा घरमा रहनु भएका ३० जना असहाय आमा बुबाको लागि स्वास्थ सामाग्री तथा चामल, चिनी आँटा लगाएतका खाध्य सामग्री वितरण गरिएको अध्यक्ष केसीले बताउनुभयो ।

आफ्नो पेशागत हक र स्वास्थ्य सेवाका अतिरिक्त सामाजिक सेवा अन्तर्गत संस्थाको ४३ औं स्थापना दिवसको अवसर पारेर सामग्री वितरण गरिएको हो । स्वास्थ्य र खाद्य सामग्री वितरण गर्न नेपाल स्वास्थ्य प्राबिधिक संघ (PAN) काभ्रेका सल्लाहकार समिति संयाेजक शरदचन्द्र थापा, उपाध्यक्ष विनाेद कुईकेल, कोषाध्यक्ष झलक दर्लामि, सदस्यहरू एविन्द्र क्षेत्री र विजय मगर पुग्नु भएको थियो ।