सिन्धुपाल्चोक जिल्लाको बाह्रबिसे नगरपालिकाले सुत्केरी आमा र गर्भवती महिलालाई पोषिलो खाना वितरण गरेको छ ।
नगरपालिकाले ‘सुत्केरी भेटघाट कार्यक्रम’ अन्तर्गत वडा नम्बर १ देखि ९ नम्बर वडामा फाल्गुन महिना देखि सुत्केरी भएका आमा र असार महिनाभित्र सुत्केरी हुने गर्भवती महिलालाई पोषण सामग्री वितरण गरिसकेको उपप्रमुख सुशिला पाख्रिनले जानकारी दिनुभयो ।
कुपोषण मुक्त गराउन, शुन्य होम डेलिभरी, प्रत्येक महिना स्वास्थ्य संस्थामा बच्चाको तौल मापन गराउन, बच्चालाई लगाउनु पर्ने नियमित खोप लगाउने बारे जानकारी गराउने उद्देश्यले ‘सुत्केरी भेटघाट कार्यक्रम’ राखिएको हो ।
जन्मान्तर, परिवार नियोजनको अस्थायी साधन प्रयोग, सरसफाई, बच्चा र आमाको स्वास्थ्यको अवस्था बुझ्न र आवश्यक सल्लाह र सुझाब दिन निकै सजिलो भएको उपप्रमुख पाख्रिनले बताउनुभयो ।
नगरपालिकाले आगामी आर्थिक वर्षको नीति कार्यक्रम तथा बजेटमा पनि सुत्केरी भेटघाट कार्यक्रमलाई निरन्तरता दिएको छ । सुत्केरी र गर्भवती भेट्न घर घरमै स्वास्थ्यकर्मी सहित उपप्रमुख पाख्रिन आफै पुग्ने गर्नुभएको छ ।
Facebook Comments