कांग्रेसद्वारा पनौती नगरापालिकाको नगरसभा बहिष्कार 

काभ्रेको पनौती नगरपालिकाको नगरसभा यो बर्ष पनि कांग्रेसबाट निर्वाचित जनप्रतिनिधिले बहिष्कार गरेका छन् । चार जना वडाध्यक्षले एक लौटी रूपमा नगरसभामा नगरप्रमुख भिम न्यौपानेले नीति कार्यक्रम तथा बजेट प्रस्तुत गरेको आरोप लगाएका छन् ।

उनीहरू विभिन्न ११ बुँदामा ध्यानाकर्षण समेत गराएका छन् । कांग्रेसका जनप्रतिनिधिहरू अघिल्लो बर्ष पनि नीति कार्यक्रम तथा बजेट बहिष्कार गरेका थिए ।

उनीहरूले कार्यपालिका बैठकमा सहमति गरिएभन्दा बढी बजेट ल्याएकोमा समेत विरोध गरेका छन् । ६ जना वडाध्यक्ष सहित २३ जना नेपाली कांग्रेसबाट प्रतिनिधित्व गर्ने नगरसभा सदस्यहरुले नगरसभा बहिस्कार गरेका हुन् ।

एमालेले यी एकलौटी ढंगबाट चुनाव केन्द्रित बजेट ल्याएको आरोप उनीहरुले लगाएका छन् । वडा नम्बर ६ का वडाध्यक्षको सुधीर सापकोटाले नगरप्रमुख न्यौपानेले चुनाव लक्षित बजेट ल्याएको र आफुहरूको कुनै पनि माग सम्बोधन नभएको भन्दै सभा बहिस्कार गर्न बाध्य भएको बताउनुभयो ।

पनौती नगरपालिका किमा कार्यपालिका पनौती नगरपालिकाको कार्यपालिका सदस्य पनि एमालेको बहुमत छ भने नगरसभामा पनि एमालेकै बहुमत राको छ । नीति कार्यक्रम तथा बजेट बहुतले पारित समेत भैसकेको छ ।

कांग्रेसबाट निर्वाचित जनप्रतिनिधिहरु हिजोको बैठकमा भने सहभागी भएका थिए । पनौती नगरपालिकाको नवौँ नगरसभा हिजोबाट सुरू भएको हो । ‘हिजो हामी बैठकमा सहभागी भएर आफ्नो कुरा कडाईका साथ राख्यौं र बजेटमा आफूहरूको असन्तुष्टि रहेको प्रष्ट सँग भन्यो, हामीले आशा गरेका थियौ नगरप्रमुख न्यौपानेले हाम्रो माग सम्बोधन गरिदिनुहुनेछ । तर उहाँले त्यसो गर्नुभएन । बैठक अगाडि बढाउने तयारी गर्नु भयो । त्यही भएर हामीले नगरसभा बहिस्कार गर्ने निर्णय गरौँ, वडाध्यक्ष सापकोटाले भन्नुभयो ।’

आगामी आर्थिक वर्ष २०७८/७९ का लागि १ अर्ब, ६५ करोड, ६६ लाख, ३५ हजार रुपियाँको बजेट नगरप्रमुख न्यौपानेले हिजो नगरसभामा प्रस्तुत गर्नुभएको थियो । ‘उहाँहरूले सबै बजेट र कार्यक्रम चुनाव लक्षित गरेर आफ्नो क्षेत्रमा मात्रै ल्याउनुभएको छ । यसमा हाम्रो कडा आपत्ति छ, वडाध्यक्ष सापकोटाले भन्नुभयो ‘हाम्रो माग सम्बोधन नहुँदासम्म हामी नगरसभामा उपस्थित हुँदैनौं ।’