धुलिखेल नगरपालिकाले दिएको ‘छुट र सहुलियत’ यस्ता छन्

काभ्रेको धुलिखेल नगरपालिकाले आगामी आर्थिक वर्षका लागि पाँचवटा चिजमा छुट र सहुलियत दिने कार्यक्रम ल्याएको छ नगरका प्रमुख अशोक कुमार व्याञ्जु श्रेष्ठ ले आगामी आर्थिक वर्ष २०७८/७९ को नीति तथा कार्यक्रम सार्वजनिक गर्दै यस्तो बताउनुभएको हो ।

नगरपालिकाले पर्यटकीय स्तरका कोषले आफ्नो भोजनबाट निस्कने फोहोर पानीलाई प्रशोधन गरेर मात्र ढल निकासको प्रवन्ध गरेमा लाग्ने शुल्कमा छुट दिएको छ ।

त्यस्तै पर्यटकीय स्तरका होटल/होमस्टेमा जम्मा मजदुर मध्ये ५० प्रतिशत नगरपालिकाका स्थायी बासिन्दा लाई रोजगार दिएमा थप सहुलियत र छुट दिने कार्यक्रम ल्याएको छ ।

विगत आर्थिक वर्षदेखि दिँदै आएको सम्पत्तिकर पुस मसान्तसम्म तिर्ने करदाता तथा असोज मसान्तसम्म एकमुष्ट व्यवसाय कर बुझाउने व्यवसायीलाई दिँदै आएको छुट नगरपालिकाले यो वर्ष निरन्तर दिएको छ ।

त्यसैगरी नगरपालिकाका सघन क्षेत्रमा पुरानो घर भत्काई वा भत्किएको स्थानमा अगाडिको मोहोडा मात्र पुरातात्विक तथा पुरानो शैली झल्कने गरी निर्माण गर्न नक्सा पेश गरी सोहि अनुसार निर्माण सम्पन्न गरेपछि दिने छुटलाई यो वर्ष नगरपालिकाले निरन्तरता दिएको छ ।

अपाङ्ग परिचयपत्र भएको धुलिखेल नगरपालिकाका स्थायी बासिन्दा व्यक्तीको सम्पत्तिकर सडकबत्ती शुल्क र विपद् व्यवस्थापन शुल्कमा शतप्रतिशत छुट भेटिने कार्यक्रम नगरपालिकाले ल्याएको छ ।