बाढी ग्रस्त सिन्धुपाल्चोकमा मोबाइल चार्ज गर्ने ब्यवस्था मिलाइदिए विदेशी र स्थानीय युवाले

बाढी ग्रस्त सिन्धुपाल्चोक जिल्लाको बिभिन्न स्थानमा स्थानीय र विदेशी युवाले मोबाइल चार्ज गर्ने ब्यवस्था मिलाईदिएका छन् । बाढीले बिजुलीका पोल बगाएर विद्युत सेवा अवरुद्ध भएपछि उनीहरूले अस्थायी रूपमा मोबाइल चार्ज गर्ने ब्यवस्था मिलाएका हुन् ।

युवाहरूले एक थान जेनेरेटर र पेट्राेलकाे सहित माेबाईल चार्ज गर्ने ब्यवस्था मिलाएका छन् । युवाहरूले मोबाइल चार्ज गर्ने ब्यवस्था मिलादिएपछि स्थानीय खुशी भएका छन् ।

स्पेनिस युवा आना रूईज, नेपाली युवा रोमन कार्की र आदित्य दाहाल तथा राम तोर र सोलुसिवानिस ईन्टीग्रालेस बिफोर कम्पनीले बाढी ग्रस्त सिन्धुपाल्चोक जिल्लाका बिभिन्न १० ठाउँमा मोबाइल चार्ज स्टेसन सञ्चालनमा ल्याएका हुन् ।

तालामाराङ बजारमा एउटा, किउल बजारमा एउटा, ग्याल्थुम दुईवटा, सेरा चौकीमा एउटा, गणेशको गणेशे बगरमा एउटा, पाल्चोक सेरामा एउटा, थापाटारमा दुईवटा र चनौटेमा एउटा गरी १० ठाउँमा मोबाइल चार्ज स्टेसन राखिएको आदित्य दाहालले जानकारी दिनुभयो ।

असार १ गते मेलम्ची खोला र इन्द्रावती नदीमा आएको बाढीले मेलम्ची नगरपालिकाबाट र हेलम्बु गाउँपालिकासँग सिधा यातायात सम्पर्क समेत टुटेको थियो । तर हिजो देखि भने चनौटे बजारसम्म अवरूद्ध सडक मर्मत गरेर गाडी जान सक्ने बनाइएको छ ।