भोलिदेखि जिल्ला प्रशासन कार्यालय काभ्रे खुल्ने

काभ्रेमा नि’षेधाज्ञा जारी भएको झण्डै दुई महिना पुग्न लाग्दै गर्दा जिल्ला प्रशासन कार्यालयले सेवा सुरु गर्न लागेको छ । सहायक प्रमुख जिल्ला अधिकारी अमरदिप सुनुवारका अनुसार भोलिबाट जिल्ला प्रशासन कार्यालयले सेवा सुचारु गर्न लागेको हो ।

प्रशासन कार्यालयले जिल्लाका १३ वटा स्थानीय तहका लागि वार्ता रोकेको छ । र सोही बार अनुसार मात्रै जिल्ला प्रशासन कार्यालयबाट सेवा लिन पाइने प्रमुख जिल्ला अधिकारी सहायक प्रमुख जिल्ला अधिकारी सुनुवारले बताउनु भयो ।

अर्को सूचना जारी नहुँदासम्म लागि प्रत्येक हप्ताको आइतवार धुलिखेल नगरपालिका र तेमाल गाउँपालिका नागरिकले प्रशासन कार्यालयबाट सेवा लिन पाउनेछन् । त्यसैगरी सोमबार बनेपा नगरपालिका र जिल्लाको विकट क्षेत्रमा पर्ने महाभारत गाउँपालिकाका स्थानीयले सेवा लिन पाउनेछन् ।

मंगलबार पाँचखाल नगरपालिका र चौंरीदेउराली गाउँपालिका का लागि छुट्याइएको छ । बुधबार मण्डनदेउपुर नगरपालिका र भुम्लु गाउँपालिका का स्थानीयले प्रशासन कार्यालयबाट सेवा लिन पाउनेछन् ।

बिहीबार जिल्लाको पनौती नगरपालिका, बेथान्चोक र खानीखोला गाउँपालिकाका स्थानीयले सेवा लिन पाउने सहायक प्रमुख जिल्ला अधिकारी अमरदिप सुनुवारले जानकारी दिनुभयो ।

शुक्रबार भने नमोबुद्ध नगरपालिका र रोशी गाउँपालिकाका सर्वसाधारणले जिल्ला प्रशासन कार्यालयबाट सेवा लिन पाउनेछन् ।

आजै प्रमुख जिल्ला अधिकारी शिवराम पोखरेलले असार १४ गतेसम्मका लागि नि षेधाज्ञाको समय थप गर्नुभएको थियो । नि षेधाज्ञा केही खुकुलो गरिएको । सवारीसाधनमा जोरबिजोर प्रणाली लागू गरिएको छ । काभ्रेपलाञ्चोक जिल्लामा गएको बैशाख १९ गतेदेखि नि षेधाज्ञा जारी छ ।