काभ्रेको भुम्लु गाउँपालिका वडा ६ का सिमान्तकृत पहरी समुदायलाई बाख्रा वितरणएको छ । गाउँ पालिकाको आर्थिक वर्ष २०७७/७८ को बजेटबाट पहरी समुदायलाई बाख्रा वितरण गरिएको वडाध्यक्ष भरत बहादुर शिवभक्तीले जानकारी दिनुभयो ।
भुम्लु गाउँपालिका वडा नम्बर ६ (साबिक वडा नम्बर ३) का न्यून आयस्तर भएका २० जना किसानलाई उन्नत जातको जमुनापारी २० वटा बाख्रा वितरण गरिएको हो ।
चौतारी बाख्रा पालन कृषक समुहमा आवद्ध किसानलाई गोलाप्रथाबाट बाख्रा वितरण गरिएको वडाध्यक्ष शिवभक्तीले बताउनुभयो ।
बाख्रा पाएपछि किसानहरू खुशी भएका थिए । सिमान्तकृत पहरी समुदायको आयआर्जन बढाउने उद्देश्यले बाख्रा वितरण गरिएको हो ।
Facebook Comments