काभ्रेका सबै स्थानीय तहलाई अपाङ्ग मैत्री बजेट विनियोजन गर्न माग

भेष बहादुर दनुवार: सरोकारवालाहरूले काभ्रे जिल्लाको १३ वटै स्थानीय तहहरूलाई योजना छनौटमा अपाङ्गता भएका ब्यक्तिहरूको सम्मान सहभागी जनाउन माग गरेका छन् । आज काभ्रे अपाङ्ग महासंघले आयोजना गरेको आयोजनामा योजना छनौट प्रकृया विषयक भर्चुअल अन्तरक्रिया तथा छलफल कार्यक्रममा सहभागीहरू यस्तो बताएका हुन् ।

हरेक वर्ष योजना छनौट गर्ने क्रममा महिला, बालबालिका, दलित तथा जनजाती विषयमा बिशेष केन्द्रित रहेर बजेट निमार्ण हुने गरेको छ । यसै विषयमा अपाङ्गता भएका ब्यक्ति पनि समुदायको एउटा अंग र पाटो हो भन्ने विषयमा केन्द्रित रहि अपांग वर्ग र समूहको पनि संरक्षणका बजेट बिनियोजन गर्न आवश्यक रहेको सहयोगीहरू बताए ।

सीपको अधिकतम उपयोग गर्न र सीप अनुसारको कार्य गरि आय आर्जन जोडने देखि हरेक सेवा प्रदायक निकायमा अपाङ्ग मैत्री सूचना संप्रेषण गर्ने व्यवस्था भएमा सेवा लिन मद्दत पुग्ने उनीहरू जोड छ ।

कार्यक्रमको अपांग मैत्री बजेट कुन-कुन विनियोजन गर्न सकिन्छ र उक्त बजेट निमार्णको क्रममा काभ्रे अपांग महासंघको सहयोग कस्तो रहन्छ भनेर आंग महासंघ काभ्रेका सचिव पम्फा पुर्कुटीले कार्यपत्र प्रस्तुती गर्नु भएको थियो ।

कार्यक्रममा रोशी, खानीखोला, तेमाल, चौरिदेउरालि गाउँपालिका र पनौती नगरपालिकाका उपाध्यक्ष र उपप्रमुखले विगतमा पनि अपाङ्ग महासंघले माग गरेको र सुझाए अनुसार अगाडी बढेको र यस वर्ष अझ बृहत्तर रुपमा कार्यपत्र अनुसार अपाङ्ग मैत्री बजेटको खाका निमार्ण गरेको बताएका थिए ।

कार्यक्रममा अपाङ्ग विद्यालयका प्रधानाध्यापक कृष्ण प्यारी नकर्मी फरक क्षमता भएका ब्यक्तिहरूको संरक्षण गरने दायित्व स्थानीय तहकै भएकाले उनीहरुलाई आवश्यकताका आधारमा बजेट विनियोजन गरेर सीप प्रदान गर्न आवश्यक रहेको बताउनुभयो ।