यी हुन् सांसद हुमागाईको पहलमा बनेपा नगरपालिकाले सञ्चालन गर्ने योजना

काभ्रे संघीय निर्वाचन क्षेत्र नम्बर २ प्रदेश निर्वाचन क्षेत्र (ख) का सांसद बसुन्धरा हुमागाईले आफ्ना निर्वाचन क्षेत्रमा गरेका प्रतिज्ञा पूरा गर्दै आउनु भएको छ । हुमागाईको पहलमा प्रदेश सरकारले आगामी आर्थिक वर्ष बनेपा नगरपालिकाका लागि विषेश योजना छनोट गरेको छ ।

सांसद हुमागाईको निर्वाचन क्षेत्रमा बनेपा नगरपालिकाका १४ वटै वडा पर्छन् । सांसद हुमागाईले १४ वटै वडाका योजनालाई समेट्ने प्रयास गर्नु भएको छ ।

बनेपा नगरपालिकाले आफ्नो मातहतमा खर्च गर्न पाउने गरि प्रदेश सरकारबाट आएका केही योजनाहरु यस्ता रहेका छन :

प्रदेश सरकार मार्फत सशक्त अनुदान अन्तर्गत
बनेपा नगरपालिका वडा नम्बर ३ को ओडार ठुलोचौर खानेपानी आयोजनाका लागि बीस लाख रकम बिनियोजन गरिएको छ ।

बनेपा नगरपालिका वडा नम्बर १४ का लागि साँगा आशापुरी सडकका लागि पचाँस लाख रकम बिनियोजन गरिएको छ ।

बनेपा नगरपालिका वडा नम्बर २ को ठूलो ढुङ्गा देखि दोबाटोसम्मको सडक निर्माणका लागि बीस लाख, वडा नम्बर ३ का लागि मुहान थलि सडक निर्माणका लागि बीस लाख रकम बिनियोजन गरिएको छ ।

बनेपा नगरपालिका वडा नम्बर ९ मा राजदास सहायक मार्ग सडकका लागि बीस लाख, वडा नम्बर ४, २ र १ का लागि नाला पुलबजारबाट मुलीफाँट हुदै टिमुरे चौरसम्मको कृषि सडकका लागि बीस लाख रकम बिनियोजन गरिएको छ ।

बनेपा नगरपालिकासंगको समपुरक योजना अन्तर्गत
बनेपा नगरपालिका वडा नम्बर २ का लागि बासाझाङ नगरकोट सडक का लागि २ करोड बजेट रहेको छ ।

बनेपा नगरपालिका वडा नम्बर ३ पेवा गौडा थुमाचौर नन्दादेवी काभ्रेडाँडा बाटो सडकका लागि २ करोड, वडा नम्बर ६ का लागि कुइकेल मार्गका निम्ति २ करोड बजेट रहेको छ ।

बनेपा नगरपालिका वडा नम्बर ११ सिनागालका लागि विशेष योजना अन्तर्गत डिप बोरिङ खानेपानी योजनाको लागि ६० लाख बजेट बिनियोजन गरिएको हुमागाईका स्वकिय सचिव जयराम के सिले जानकारी दिनु भयो ।

साथै प्रदेशले अनुदानका रुपमा दिएको र पालिका आफैले खर्च गर्न पाउने गरि दुई करोड १४ लाख बिनियोजन भएको छ ।

यी योजनाहरु बनेपा नगरपालिकाले आफु अन्तर्गत प्रयोग गर्ने योजनाहरु हुन् । यस बाहेक प्रदेश मन्त्रालय, विभाग र जिल्लाका कार्यालयबाट खर्च हुने योजनाका विवरण केही दिनपछि सार्वजानिक गर्ने सांसद हुमागाईका स्वकिय सचिव केसिले बताउनु भयो ।

सांसद हुमागाईको पहलमा बनेपा नगरपालिकाले आगामी आर्थिक बर्ष कुल १० करोड २४ लाख रकम को योजनामा खर्च गर्ने छ । जसमा ७ करोड २४ लाख प्रदेश मार्फत अनुदान रहने छ भने साझेदारी कार्यक्रममा तीन करोड रकम नगरपालिकाले खर्च गर्नु पर्नेछ ।