असार १ गतेको बाढीको उदमस्थल हेलम्बु गाउँपालिकाको वडा नम्बर १ तिम्बु बजार पनि बगरमा परिणत भएको छ । उद्धार र राहत सबै मेलम्चीमै थन्किएको छ ।
हेलम्बु पुग्ने सडक मेलम्चीमै थुनिएको छ । मेलम्ची माथिपनि बिभिन्न ठाउँमा सडक बाढीले कटान गरेको छ । बाढीले क्षति पुर्याएको ४ दिन बितिसक्दा पनि कुनै राहत नपाएको स्थानीयले बताएका छन् ।
बाढीबाट जसो तसो बाचेपनि अहिले भोकले म’र्न लागेको तिम्बुकी आशा गुरुङले बताउनुभयो । परिवारका सदस्य सकुशल भएपनि घर पूर्ण रुपमा बाढीले बगाएको उहाँले बताउनुभयो ।
आफुहरू भोकै रहेको भन्दै आशाले भिडियो सन्देश सरकार समक्ष पुर्याएर राहतका लागि तत्काल पहल गरिदिन अपील समेत गर्नुभयो ।’हामीसँग ज्यानमा एकसरो कपडा बाहेक अरू केहि छैन्, के खाने, कहाँ बस्ने, हामीले सरकारलाई फर्खिएको ४ दिन बितिसक्यो, अस्ति कसरी ज्यान जोगाउ झै भयो अहिले किन बाँचिएछ भन्ने लाग्छ, आशाले भन्नुभयो ।’
गाउँमा गर्भवती महिला रहेको र उनीहरूको सडक सञ्जाल टुटेपछि थप चिन्तामा परेको आशाले बताउनुभयो । ‘खोलाले अहिलपनि कटान गरिरहेको छ, गाउँमा गर्भवती महिला सुत्केरी हुने यहि महिनामा छन्, स्वास्थ्यमा समस्या आयो भने कसो गर्ने ?, आशाको प्रश्न छ ।’
थप हेरौँ भिडियोमा
Facebook Comments