कयौँ मेलम्ची बासीले सोच्दै नसोचेको घ’टना असारको पहिलो दिन नै भोग्नु पर्यो । नदी दिउँसो देखि नै केहि धमिलो हुँदै थियो ।
बर्खाको नदी । यस्तै त हो । अघिल्लो बर्ष पनि यस्तै हुन्थ्यो । लेकमा पानी परेपछि । तर यो पटक मेलम्चीबासीको कल्पना भन्दा बाहिर रह्यो ।
हेर्दा हेर्दै इन्द्रावती बजारमै पस्यो । भाग्न सक्नेले ज्यान जोगाए । कतिपयले सामान पनि लैजान भ्याए । तर कतिपय बाढीसँगै बगेका छन् । आफन्तसँग बिछोडिएर ।
सम्भवतः अब उनीहरूको भेट नहोला नै । २०७२ सालको भुकम्पमा समेत निकै कम क्ष ति बेहोरेको मेलम्ची बजार हिजो साँझको बाढीमा भने जोगिएन ।
बजारको एक भाग बगरमा परिणत भएको छ । स्थानीयहरू आफ्नो घर माथिबाट हेर्छन् । मुर्छा पर्छन् । बस् प्रकृतिको सामु कसको के लाग्ने रैछ र भन्दा बस्छन् ।
Facebook Comments