इन्द्रावती नदीको बाढीले पाँचखाल बृहत खानेपानीको मुहान पनि पुर्यो

हिजो साँझ इन्द्रावती नदीमा आएको बाढीले पाँचखाल बृहत खानेपानी आयोजनाको मुहान पनि पुरेको छ । सबै संरचना ध्वस्त भएको खानेपानी आयोजनाका अध्यक्ष कुमार लामिछानेले जानकारी दिनुभयो ।

मुहान क्षेत्रमा बनेका कुनै पनि संरचना नरहेको अध्यक्ष लामिछानेले बताउनुभयो । यसले पाँचखालबासीको पानी खाने धोको पुरा हुन समय लाग्ने भएको छ ।

यहि असार १५ गतेभित्र मुहानको आवश्यक काम सकाउने गरेर सबै पक्ष लागेका थिए । तर बनेका संरचना सबै बाढीले पुरेको छ ।

२०७८ साल चैत महिनाभित्र पानी खुवाउने गरी काम भैरहेको नगरप्रमुख महेश खरेलले बताउनुभयो । बाढीपछि नगरप्रमुख घरेल, खानेपानी आयोजना समितिका अध्यक्ष लामिछाने, स्थानीय लगायतले मुहानको अवलोकन गरेका छन् ।