पर्सीदेखि रोशी गाउँपालिकामा सामाजिक सुरक्षा भत्ता वितरण हुने

काभ्रेको रोशी गाउँपालिकाले पर्सिदेखि सामग्री सुरक्षा भत्ता वितरण गर्ने भएको छ । प्रमुख प्रशासकीय अधिकृत डम्बरू दाहालका अनुसार बैंकमा सामाजिक सुरक्षा भत्ताको रकम जम्मा भैरहेको छ ।

कोरोना संक्रमणको अवस्थालाई मध्यनजर राख्दै अति आवश्यक परेका ब्यक्तिलाई मात्रै बैंकमा गएर रकम निकाल्न अनुरोध गरेको छ । अहिले तत्काल रकम आवश्यक नपरे साउन महिनामा दोस्रो र तेस्रो किस्ता एकै पटक निकाल्न मिल्ने प्रमुख प्रशासकीय अधिकृत दाहालले बताउनुभयो ।

पालिकाले असार ३ गते वडा नम्बर ७ र ८, असार ४ गते वडा नम्बर ४ र ५ का लागि दिन तोकेको छ । त्यसैगरी ५ गते वडा नम्बर १,२ र ३ नम्बर वडा, ६ गते वडा नम्बर ६ का तोकिएको छ ।

असार ७ गते वडा नम्बर ९ र १०, असार ८ गते वडा नम्बर ११ र १२ का लागि दिन तोकिएको प्रमुख प्रशासकीय अधिकृत दाहालले जानकारी दिनुभयो ।

पालिकाले शनिबार पनि बैंक खुल्ला रहने जनाएको छ । सिद्धार्थ बैंकको जुनसुकै शाखा कार्यालयहरूबाट नि भत्ता रकम लिन पाईनेछ । पालिकाले सिफारिसका साथै भत्ता रकम वितरणमा सहयोग पुर्याउनु पर्ने भएकाले तोकिएको दिनमा सम्बन्धित वडाका वडाध्यक्ष, वडा सचिव र कार्यालय सहयोगीलाई पनि बैंकमै बोलाएको छ ।

के चाहिँन्छ कागपत्र ?
१. नागरिकता (सक्कल र फोटोकपी)
२. सामाजिक सुरक्षा भत्ता कार्ड

अशक्त, रातो कार्ड भएकाको भत्ता रकम अरूले निकाल्नुपर्ने भएमा
१. नागरिकता र सामाजिक सुरक्षा भत्ता कार्ड (सक्कल र फोटोकपी)

२. आधिकारिक ब्यक्तिको नागरिकता (सक्कल र फोटोकपी)
३. अर्को ब्यक्ति राख्नु कारण खुलाएको वडाले दिएको सिफारिस
४. सामाजिक सुरक्षा भत्ता अर्को ब्यक्तिलाई निकाल्न दिन वडा कार्यालयले दिएको सिफारिस