सिन्धुपाल्चोक जिल्लाको लिसंखु पाखर गाउँपालिका वडा नम्बर ३ वाफलमा खेल मैदान विस्तार सुरु भएको छ । यो मैदान निर्माणका ३० लाख बजेट प्राप्त भएको छ ।
यो खेल मैदानका लागि रकमको स्रोत पूर्व खेलकुद मन्त्री दावा तामाङले जुटाई दिनुभएको हो । यसअघि यो मैदान निकै सानो थियो । अब ९० फिट लम्बाइ र ५० फिट चौडाईको बन्नेछ ।
गाउँमा खेल मैदान फराकिलो बन्न थालेपछि युवाहरू खुशी भएका छन् । खेल मैदान निर्माण पुरा भएपछि नियमित अभ्यास गर्न पनि सजिलो हुने भएको छ ।
उपभोक्ता समिति मार्फत खेल मैदान विस्तारको काम धमाधम भइरहेको छ ।
Facebook Comments