पनौती नगरपालिकाद्वारा सहकारीलाई ५ बुँदे कडा निर्देशन

काभ्रेको पनौती नगरपालिकाले सहकारीलाई कडा निर्देशन दिएको छ । आज नगरपालिका बरिष्ठ प्रशासकीय अधिकृत इन्द्र प्रसाद अधिकारीले सहकारीहरूलाई ५ बुँदे निर्देशन जारी गर्नुभएको हो ।

बचत तथा ऋण उपसमितिको बैठकले यस्तो निर्देशन जारी गरेको हो ।

१. असार १ गतेदेखि सबै स्वास्थ्यका मापदण्ड पालना गरी सीमित जनशक्तिबाट सहकारी संस्थाले सवा प्रवाहको ब्यवस्था मिलाउन ।

२ . वैशाख, जेठ र असार महिनामा ऋणीहरूले तिर्नुपर्ने ब्याजमा १० प्रतिशतसम्म छुट दिने व्यवस्था मिलाउन ।

३. ऋणी सदस्यलाई वैशाख, जेठ र असार महिनामा लाग्ने हर्जना तिर्न नपर्ने व्यवस्था मिलाउन ।

४. सहकारी संस्थाहरू सदस्यहरू राहत उपलब्ध गराउन आ आफ्नो सहकारी संस्थामा विपद् ब्यवस्थापन कोषको ब्यवस्था मिलाउन ।

५. निषेधाज्ञाको समयमा ऋणको भाखा नागी ऋणी तीर्न नसकेका ऋणीहरूलाई ऋणीहरूको अनुरोध भैआएमा बढीमा ६ महिनासम्म ऋण तीर्न भाखा थप्ने ब्यवस्था मिलाउन ।