काभ्रेको विकट मिल्चेमा १० बेडको आईसोलेसन सञ्चालन

काभ्रे अति विकट क्षेत्रमा पर्ने मिल्नमा आईसोलेसन सञ्जालमा ल्याईएको छ । १० बेड क्षमताको आईसोलेसन आजबाट सञ्जालमा ल्याइएको हो ।

खानीखोला गाउँपालिका वडा नम्बर ७ धाप्ले स्थित मिल्चे स्वास्थ्य चौकीमा १० बेडको आइसोलेसन सञ्चालन ल्याइएको हो । गाउँमै आईसोलेसन सञ्चालनमा आएपछि स्थानीयलाई सजिलो हुने भएको छ ।

कोरोना भाईरसको जटिल बाहेक होम आईसोलेसनमा बस्न समस्या हुनेलाई यहि आईसोलेसनमा सेवा सकिनेछ । खाना र अक्सिजन सहितको आईसोलेसन सञ्चालनमा ल्याएको वडाध्यक्ष क्षेत्रमान ग्याबाले जानकारी दिनुभयो ।

‘विभिन्न ब्यक्ति र संघ संस्थाहरूको सहयोगमा गाउँमै आईसोलेसन सञ्चालन गर्न सफल भएका छौँ, यति भयो भने अक्सिजनको अभावमा वडा नम्बर ७ का कोहि पनि दाजुभाई दिदीबहिनीहरुले अकालमै ज्यान गुमाउन नपरोस्, वडाध्यक्ष ग्याबाले भन्नुभयो ।’

मिल्चेका सबै बस्तीमा सडक पुगेको छैन् । कोरोनाको सं क्रमितलाई गाडी मार्फत सुविधा सम्पन्न तत्काल पुर्याउन पनि सम्भव छैन् । स्वास्थ्य चौकीमा आईसोलेसन सञ्चालन गर्न स्वास्थ्यकर्मी पनि उत्साहित भएपछि काम गर्न अझ सजिलो भएको स्वास्थ्य चौकी ईन्चार्ज चन्द्र चौधरीले बताउनुभयो ।

‘यो ठाउँको लागि आईसोलेसन निकै आवश्यकता थियो, हामी सबै स्वास्थ्यकर्मी पनि उत्साहित छौँ, वडा ज्यूले सोध्नु भयो, हामीले गर्छौ भन्यौ । अहिले आफ्नै ठाउँमा आईसोलेसन सञ्चालनमा आएको छ । अब यसलाई अझ ब्यबस्थित गर्दै अक्सिजनको अभावमा कसैले पनि ज्यान नजाओस् भनेर सबै जुटौँ, स्वास्थ्यचौकी ईन्चार्ज चौधरीले भन्नुभयो ।’