काभ्रे सम्पर्क समिति दक्षिण कोरियाले जिल्लामा स्वास्थ्य सामाग्री हस्तान्तरण गरेको छ । प्रमुख जिल्ला अधिकारी एवं जिल्ला को भिड संकट ब्यबस्थापन केन्द्र (डिसीसीएमसी) का संयोजक शिवराम पोखरेलाई स्वास्थ्य सामग्री हस्तान्तरण गरेको हो ।
काभ्रे सम्पर्क समिति दक्षिण कोरियाले २६ थान अक्सिजन सिलिण्डर, २६ थान पिपिए सेट र सर्जिकल मास्क ५२ पाकेट उपलब्ध गराएको छ । दक्षिण कोरियामा बस्दै आएका काभ्रेलीहरुको सहयोगबाट यी स्वास्थ्य सामग्री हस्तान्तरण गरिएको हो ।
करिब डेढ हप्ताको छोटो समय अबधिमा करिब ४ लाख २५ हजार भन्दा बढी सहयोग संकलन गरेका थियो । यो बिषम परिस्थितिमा आफ्नो गाँस काटेर सहयोग गरेका हुन् ।
काभ्रे सम्पर्क समिति दक्षिण कोरियाले काभ्रेको १३ वटै स्थानीय तहलाई दुई दुई वटाका दरले २६ वटा सिलिण्डर ४० लिटरको उपलब्ध गराएको छ ।
पहिलो लहरको कोरोना महामारिमा पनि काभ्रे सम्पर्क समिति दक्षिण कोरियाले काभ्रेको सबै स्थानीय तहमा खोलिएको क्वारेन्टाइन र आइसुलेसनमा खाने पानीको व्यवस्थापनका लाखि २० वटा ड्रम वितरण गरेको थियो ।
Facebook Comments