काभ्रे कोशीपारीका दुबै स्थानीय तहमा आज दिनभर विद्युत आपुर्ति बन्द

काभ्रेको कोशीपारी क्षेत्रमा पर्ने दुईवटै स्थानीय तहमा आज दिनभर जसो विद्युत सेवा अवरुद्ध हुने भएको छ । नेपाल विद्युत प्राधिकरणको पाँचखाल वितरण केन्द्रले एक सूचना जारी गर्दै बिजुली बन्द हुने बताएको हो ।

भुम्लु र चौरीदेराली गाउँपालिकामा अहिले १० बजेदेखि बेलुका ६ सम्म बिजुली बन्द हुने छ । पहिरोको उच्च जोखिममा रहेको पलाञ्चोक फिडर अन्तर्गत सञ्चालन भैरहेको एचटी लाईन मर्मत गर्नु पर्ने भएकाले बिजुली बन्द गर्न लागिएको पाँचखाल वितरण केन्द्रले जनाएको छ ।

मर्मतको काम निर्धारित समय अघि नै सकिए बिजुली प्रवाहको समय थपघट हुनेछ ।