रोशी गाउँपालिकालाई टिपर ब्यवसायीहरूको स्वास्थ्य सामग्री सहयोग

काभ्रेको रोशी गाउँपालिकालाई टिपर ब्यवसायीहरूले स्वास्थ्य सामग्री हस्तान्तरण गरेका गरेका छन् । आज कटुन्जे स्थित पालिकाको कार्यालयमै पुगेर बागमती टिपर ब्यवसायी संघका अध्यक्ष प्रेम लामा, प्रमुख सल्लाहकार सुरकृष्ण वैद्य, उपाध्यक्ष ठाकुर गौतम र सचिब नरेन्द्र बादेले स्वास्थ्य सामग्री पालिका अध्यक्ष डिबी लामालाई हस्तान्तरण गर्नुभएको हो ।

टिपर ब्यवसायीहरूबाट पीपीइ २० थान, पल्स अक्सिमिटर ५ थान,मास्क २० प्याकेट,फेस शिल्ड १ सय पिस, स्यानिटाजर ५ लिटरको २ जर्किन पालिका अध्यक्ष लामाले बताउनुभयो । त्यसैगरी के.एन ९५ मास्क १ सय पिस, डिजिटल थर्ममिटर १० पिस, स्यानिटाजर ७५ एम एल २४ पिस, लार्क साबुन ७२ पिस र मेडिसिन किट २० सेट ब्यवसायीहरू पालिका अध्यक्ष लामालाई हस्तान्तरण गरेका हुन् ।

ब्यवसायीहरूको सामान बुझिलिदैँ पालिका अध्यक्ष लामाले कोरोना भाईरसको नियन्त्रणका सहयोग पुग्ने बताउनुभयो । ब्यवसायीहरू पनि आवश्यकता अनुसार स्वास्थ्य सामग्री सहयोग गर्ने बताएका थिए ।