काभ्रेमा भेरोसेल खोपको पहिलो डोज लगाउने ठाउँ कहाँ-कहाँ छन् ?

भोलीदेखि देशैभर कोरोना भाईरस विरूद्धको भेरोसेल खोपको पहिलो डोज सुरू हुँदैछ । यो खोप ६२ देखि ६४ बर्ष समूहका नागरिकले मात्रै लगाउन पाउनेछन् । स्वास्थ्य कार्यालय काभ्रेले जिल्ला भरका सबै स्वास्थ्य संस्थालाई ६२ देखि ६४ बर्ष उमेर समुहका नागरिकलाई मात्रै खोप लगाउन भनेको छ ।

खोप लगाउन जाँदा के कागजपत्र चाहिँन्छ ?

१. सकेसम्म नेपाली नागरिकता
२. उमेर खुल्ने अन्य कागपत्र (ड्राईभ लाईसेन्स, मतदाता परिचयपत्र आदी)
३. उमेर खुल्ने कुनै पनि कागजपत्र छैन भने आफु बस्ने वडाको सिफारिस

कहाँ कहाँ लगाउन पाईन्छ खोप ?

यो पटकको खोप लगाउन तपाई सहरको अस्पतालमा धाउनु पर्दैन् । तपाईको वडामा रहेको स्वास्थ्य चौकीमा यो खोप लगाउन पाईन्छ । सामुदायिक स्वास्थ्य इकाई, प्राथमिक उपचार केन्द्र, सहरी स्वास्थ्य इकाई, अस्पताल लगायत स्वास्थ्य संस्थामा खोप लगाउन पाईन्छ ।

खोपको बारे थप जानकारी लिनु पर्यो भने तपाईको घरटोलमा रहेका महिला स्वास्थ्य स्वयमसेविका, वडाका जनप्रतिनिधि वा स्वास्थ्य संस्थामा काम गर्ने कर्मचारीलाई पनि सोध्न सक्नुहुन्छ ।