भुम्लु गाउँपालिकाका किसानलाई ५० प्रतिशत अनुदानमा बर्खे बिरूवा

भुम्लु गाउँपालिकाले किसानहरू बर्खे बिरूवामा ५० प्रतिशत अनुदान दिने भएको छ । गाउँपालिकाले ५० प्रतिशत अनुदानमा बिरूवा लिन चाहाने किसानलाई असार ५ गतेभित्र निवेदन दिन आग्रह गरेको छ ।

पालिकाले १३ प्रकारको बिरूवामा अनुदान छुट गर्ने प्रमुख प्रशासकीय अधिकृत ढाकाराम अर्यालले जानकारी दिनुभयो । पालिकाले सुन्तला, जुनार, कागती, मेकोडेमिया नट, आँप, आम्रपाली, मलीका कलमी, लिच्ची सिडलेस कलमी, एभोकाडो हायस छन् ।

त्यसैगरि अराविका कफी, रेड लेडी मेवा, अहलाबाद सफेदा अम्बा र टिमुरको बिरूवामा ५० प्रतिशत अनुदानमा किसानले किन्न पाउनेछन् । ब्यक्तिगत, कृषक समूह, कृषि फार्म, कृषि संस्थाले बिरूवाको लागि निवेदन दिन सक्नेछन् । चालु आर्थिक वर्षको स्वीकृत कार्यक्रम अन्तर्गत अनुदानमा बिरूवा वितरण गरिने प्रमुख प्रशासकीय अधिकृत अर्यालले बताउनुभयो ।