अन्तिम नियती…

थाहा छ ।
सपना झुठो हो ।
अनि रहर अधुरो हो।
तर बाँचिरहन को लागी
केही बहाना पनि चाहिन्छ ।
त्यसैले हामी अन्तर्मनमा
उद्देश्य बोक्छौ र हिदिरहन्छौँ ।
केही रहर, बाध्यता, उद्देश्य
अनि भाव बोकि
एक दिन
प्रकृतिले वस भन्छ र हामी स्तब्ध हुन्छौँ ।
हाम्रा सबै अहंकारहरु मलामी जान्छ ।
र
निर्जिब हुन्छौ सजिबबाट
श्वास रोकिन्छ र सकिन्छ एउटा कथा ।
जिउँदाहरु गुन गुनाउँछ ।
हाम्रो ब्यथा बेदना र बिगत नियाल्दै ।
केही पल चर्चामा रहन्छौँ
र खरानी संगै
बग्छौँ, उड्छौँ र हराउँछौँ ।

रचनाकार: अशोक कुमार ब्याञ्जु श्रेष्ठ- धुलिखेल नगरपालिकाका मेयर तथा नेपाल नगरपालिका संघका अध्यक्ष