काँग्रेस नेता बस्नेतद्वारा लिसंखु स्वास्थ्य चौकीलाई अक्सिजन र ५ बेड सहयोग

नेपाली कांग्रेसका केन्द्रीय सदस्य एवं पूर्व मन्त्री मोहन बहादुर बस्नेतले लिसंखु स्वास्थ्य चौकीलाई ५ वटा बेड उपलब्ध गराउनु भएको छ । बेड पुर्याउन नेता बस्नेत आफै लिसंखु पुग्नुभएको थियो ।

नेता बस्नेत मार्फत ३ थान अक्सिजन, ५ वटा बेड र स्वास्थ्य सामग्री प्राप्त भएको लिसंखु स्वास्थ्य चौकी ईन्चार्ज जोगेन्द्र मण्डलले जानकारी दिनुभयो । नेता बस्नेतले आईसोलेसन सञ्चालनका लागि बेड दिनुभएको हो ।

काँग्रेसले लिसंखुमा युवाहरू मार्फत घर घरमा मास्क, साबुन लगायतका सामग्री पनि वितरण गरिरहेको छ ।

लिसंखुमा अहिलेसम्म २७ जनामा कोरोना सं क्रमण पुष्टि भएको छ । जसमा २४ जना निको भएका छन् । अन्य दुई जनाको पनि होम आईसोलेसनको बसाई सकिने बेला भएको स्वास्थ्य चौकी ईन्चार्ज मण्डलले जानकारी दिनुभयो ।