पनौतीका किसान धान रोप्न ब्यस्त (फोटोहरू)

पनौती नगरपालिका भित्रका फाँटहरूमा यो बर्षको बर्खे धान रोप्न किसानहरू ब्यस्त छन् । कोरोना भाईरसको दोस्रो लहरका बीच पनि खेतमा किसानहरूको चहल पहल राम्रै देखिन्छ ।नगरपालिका कृषि तथा पशुपन्छी शाखा प्रमुख मणिप्रसाद सापकोटाले कोरोनाले धान रोपाईमा कुनै असर नपरेको बताउनुभयो ।पनौती नगरपालिकामा कोरोना भाईरसको दोस्रो लहर अन्तर्गत सुरूको चरणमा लगभग नियन्त्रण बाहिर जस्तै थियो । तर अहिले नियन्त्रणमै छ ।कोरोना भाईरसको सबैभन्दा बढी मार खेपेको पनौती नगरपालिकाको वडा नम्बर १० खोपसी फाँटमा धान रोपाई लगभग अन्तिम चरणमा पुगेको छ ।नगरपालिकाका अन्य फाँटहरूमा पनि धान रोपाई धमाधम भइरहेको छ । पनौती नगरपालिकाका प्रायः फाँटका खेतहरूमा लगभग बाह्रै महिना खेती हुने गरेको छ ।